2 Samuel 16:8 - Yn Vible Casherick 1775 1819

⁸ Ta’n Chiarn e chooilleeney ort ooilley fuill thie Saul, ’syn ynnyd echey t’ou uss er reill, as ta’n Chiarn er livrey’n reeriaght gys laue Absalom dty vac: jeeagh nish, ta dty olkys hene er verraghtyn ort, son dy nee dooinney folley oo.

2 Samuel 16:8 ပူးပေါင်းရင်းမြစ်များ

2 Samuel 1:16

As dooyrt David rish, Dty uill dy row er dty chione hene: son ta dty veeal er n’ymmyrkey feanish dt’oï, gra, Ta mee er varroo fer-ooilit y Chiarn.

2 Samuel 19:19

As dooyrt eh rish y ree, Ny lhig da my hiarn cur my ghrogh-yannoo my lieh, chamoo cooinee er shen ny ren dty harvaant dy olkyssagh er y laa hie my hiarn y ree magh ass Jerusalem, dy goghe y ree eh gys e chree.

2 Samuel 19:21

Agh dreggyr Abishai mac Zeruiah, as dooyrt eh, Nagh bee Shimei er ny choyrt gy-baase son shoh, dy ren eh gwee mollaght er ree ooilit y Chiarn?

2 Samuel 21:1

Nish va gortey ayns laghyn Ghavid three bleeaney, bleïn lurg bleïn; as vrie David jeh’n Chiarn. As dreggyr y Chiarn, Te kyndagh rish Saul, as kyndagh rish e hie folley, er-yn-oyr dy dug eh gy-baase ny Gibeoniteyn.

2 Samuel 21:9

As livrey eh ad gys laue ny Gibeoniteyn, as ren ad croghey ad er y chronk kiongoyrt rish y Chiarn: as huitt ooilley’n shiaght cooidjagh, as v’ad er nyn goyrt gy-baase ayns laghyn yn ouyr, er ny chied laghyn, ayns toshiaght y fouyr-oarn.

1 Reeaghyn 2:8

As cur-my-ner, t’ayd’s mayrt Shimei mac Gera, Benjamite jeh Bahurim, eh ren gweeaghyn dooys lesh mollaght dewil er y laa hie mee gys Mahanaim: agh haink eh sheese my whail gys Jordan, as loo mee da liorish y Chiarn, gra, Cha der-ym oo gy-baase lesh y chliwe.

Psalmyn 3:2

Shimmey t’ayn ta gra jeh m’annym: Cha vel veg y chooney ny chour ayns e Yee.

Psalmyn 4:2

O shiuish vec gheiney, caïd nee shiu goltooan my ooashley: as goaill lheid y taitnys ayns coyrleyn fardalagh as geiyrt da breagyn?

Psalmyn 55:3

Ta lheid yn yllagh er my noid, as ta ny mee-chrauee cheet orrym cha chion: son t’ad kiarit dy yannoo olk ennagh dou, cha goanlyssagh shen t’ad soit m’oï.

Psalmyn 7:4

My ta mee er chooilleeney olk dasyn ren dellal dy dooie rhym: (ta mee eer er livrey eshyn ta my noid fegooish oyr;)

Raaghyn Creeney 26:2

Myr ta’n ushag ayns rouail, as y ghollan-gheayee ayns getlagh, myr shen cha jig yn mollaght gyn-oyr.

Ashlish 16:6

Son t’ad er gheayrtey fuill nooghyn as phadeyryn, as t’ou er choyrt daue fuill dy iu; son shen t’ad dy hoilliu.

Briwnyn 9:24

Dy voddagh y dewlys jeant er ny three-feed as jeih mec Jerubbaal ve cooilleenit, as yn uill oc lhie er Abimelech nyn mraar, ren ad y varroo, as er deiney Shechem, ren cooney lesh dy stroie e vraaraghyn.