2 Samuel 16:4 - Yn Vible Casherick 1775 1819

⁴ Eisht dooyrt y ree rish Ziba, Cur-my-ner, lhiat’s ta ooilley ny va bentyn da Mephibosheth. As dooyrt Ziba, Shoh ta mee dy imlee guee ort, dy voddym agh foayr y gheddyn ayns dty hilley, my hiarn, O ree.

2 Samuel 16:4 ပူးပေါင်းရင်းမြစ်များ

2 Samuel 14:22

As chroym Joab lesh e eddin gys y thalloo, as ren eh biallys, as hug eh booise da’n ree: as dooyrt Joab, Jiu ta fys ec dty harvaant, dy vel mee er gheddyn foayr ayns dty hilley, my hiarn, O ree, ayns wheesh as dy vel y ree er chooilleeney aghin e harvaant.

2 Samuel 14:4

As tra loayr y ven jeh Tekoah rish y ree, chroym ee e eddin gys y thalloo, as ren ee biallys, as dooyrt ee, Cooin lhiam, O ree.

2 Samuel 14:8

As dooyrt y ree rish y ven, Gow royd gys dty hie, as ver-yms order ayns dty chooish.

2 Samuel 16:3

As dooyrt y ree, As cre vel mac dty vainshtyr? As dreggyr Ziba y ree, Cur-my-ner, t’eh fuirriaght ec Jerusalem: son dooyrt eh, Jiu ver lught-thie Israel dou reesht reeriaght m’ayrey.

2 Samuel 16:5

As tra va ree David er jeet gys Bahurim, cur-my-ner, haink magh veih dooinney jeh kynney Saul, va’n ennym echey Shimei, mac Gera: haink eh magh, as gweeaghyn kinjagh myr haink eh.

2 Samuel 19:27

As t’eh er luney dty harvaant gys my hiarn y ree; agh ta my hiarn y ree myr ainle Yee: shen-y-fa jean shen ta mie ayns dty hilley.

2 Samuel 9:6

Nish tra va Mephibosheth, mac Yonathan, mac Saul, er jeet gys David, huitt eh er e eddin, as ren eh biallys. As dooyrt David, Mephibosheth! As dreggyr eh, Cur-my-ner dty harvaant.

2 Samuel 9:9

Eisht deïe y ree er Ziba sharvaant Saul, as dooyrt eh rish, Ta mish er choyrt da mac dty vainshtyr ooilley ny ta bentyn da Saul, as da ooilley e hie.

Exodus 23:8

Cha jean oo gioot y ghoaill, son ta’n gioot dolley sooillyn y tushtey, as cur gyn bree goan yn vooinjer ynrick.

Raaghyn Creeney 18:13

Eh ta coyrt ansoor ayns cooish, roish my t’eh clashtyn eh, te ommijys as nearey da.

Raaghyn Creeney 18:17

Eh ta loayrt hoshiaght ayns e chooish hene, er-lhiat dy vel eh ’sy chair: agh ta e naboo cheet, as dy rassey trooid eh.

Raaghyn Creeney 19:2

Myrgeddin dy bee yn annym fegooish ynsagh cha vel eh mie: as eshyn ta ro hiyragh, nee eh tuittym ayns peccah.

Deuteronomy 19:15

Cha jean un feanish shassoo mie noi dooinney, son loght erbee, ny peccah erbee t’eh er n’yannoo, cre-erbee eh: agh er prowal daa eanish, ny er prowal three feanishyn, bee’n chooish er ny reaghey.