2 Samuel 16:22 - Yn Vible Casherick 1775 1819

²² Er shoh skeayl ad cabbane da Absalom er mullagh y thie; as lhie Absalom marish co-lhiabbee e ayrey, ayns shilley ooilley Israel.

2 Samuel 16:22 ပူးပေါင်းရင်းမြစ်များ

Genesis 35:22

As haink eh gy-kione, tra va Israel cummal ’sy cheer shen, dy jagh Reuben, as lhie eh marish Bilhah co-lhiabbagh e ayrey: as cheayll Israel jeh. Nish va mec Yacob ghaa-yeig.

2 Samuel 11:2

As haink eh gy-kione er fastyr dy row, dy dirree David veih e lhiabbee, as huill eh er mullagh thie’n ree: as veih’n vullagh honnick eh ben faarkey ee-hene; as va’n ven feer aalin dy yeeaghyn urree.

2 Samuel 15:16

As hie’n ree magh, as ooilley e vooinjer mârish: as daag y ree jeih mraane, e cho-lhiabbee, dy reaylley’n thie.

2 Samuel 20:3

As haink David gys e hie ayns Jerusalem, as ghow’n ree ny jeih mraane e cho-lhiabbee, v’eh er n’aagail dy reayll e hie, as yeigh eh seose ad ayns thie er-lheh, as doardee eh beaghey daue, agh cha row echey dy yannoo roo: myr shoh v’ad scarrit voish derrey laa nyn maaish, baghey myr mraane-treoghe.

Isaiah 3:9

Ta daanys nyn eddin son feanish nyn ’oï, as t’ad fockley-magh nyn beccah myr Sodom, as cha vel ad dy cheiltyn eh: smerg da’n annym oc! son t’ad er cherraghey olk orroo hene.

Jeremiah 3:3

Shen-y-fa ta ny frassyn er nyn lhiettal, as cha vel y fliaghey jerrey-bleeaney er jeet; as va eddin streebagh ayd, dob oo nearey y ghoaill.

Jeremiah 8:12

Row nearey orroo tra v’ad er n’yannoo yn peccah dwoaiagh? beggan, cha ghow ad veg y nearey, chamoo ren ad jiargaghey: shen-y-fa nee ad tuittym ny mast’ oc shen huittys; tra hig-yms orroo ayns kerraghey, bee ad lhieggit gys yn ooir, ta’n Chiarn dy ghra.

Ezekiel 24:7

Son ta’n uill eck ’sy vean eck, daag ee eh er mullagh y chreg, cha gheayrt ee er y thalloo eh, dy choodaghey eh lesh ooir:

Earrooyn 25:6

As cur-my-ner, haink dooinney jeh cloan Israel, as hug eh lesh gys e vraaraghyn ben jeh Midian, ayns shilley Voses, as ayns fakin slane sheshaght cloan Israel, va dobberan ec dorrys y chabbane-agglish.

Philippianee 3:19

Ta’n jerrey oc toyrt-mow, yn Jee oc ta nyn molg, as ta’n gloyr oc ayns nyn nearey, ta nyn aigney er nheeghyn seihltagh.)