2 Samuel 16:21 - Yn Vible Casherick 1775 1819

²¹ As dooyrt Ahitophel rish Absalom, Gow stiagh gys co-lhiabbee dt’ayrey, t’eh er vaagail dy ghoaill kiarail jeh’n thie; as Clynnee ooilley Israel dy vel dwoaie ec dt’ayr ort: eisht bee ny laueyn ocsyn ooilley ta mayrt er nyn niartaghey.

2 Samuel 16:21 ပူးပေါင်းရင်းမြစ်များ

Genesis 34:30

As dooyrt Jacob rish Simeon as Levi; Ta shiu er hayrn seaghyn orrym, as er m’y yannoo dwoaiagh mastey cummaltee ny cheerey, mastey ny Canaaniteyn, as ny Perizziteyn: as myr nagh vel shin agh beggan sleih ayns earroo, nee ad chaglym ad-hene cooidjagh m’oï, as m’y ghunverys, as beem’s er my stroie, mish as my hie.

Genesis 35:22

As haink eh gy-kione, tra va Israel cummal ’sy cheer shen, dy jagh Reuben, as lhie eh marish Bilhah co-lhiabbagh e ayrey: as cheayll Israel jeh. Nish va mec Yacob ghaa-yeig.

Genesis 38:16

As hyndaa eh lh’ee er y raad, as dooyrt eh, Tar royd, ta mee guee ort, lhig dou lhie mayrt (son cha row fys echey, dy nee e ven-chleuin v’ayn) as dooyrt ish, Cre ver oo dou, son cheet stiagh hym?

Genesis 6:4

Va foawir ’sy theihll, ayns ny laghyn shen; as myrgeddin lurg shen, tra ghow mec Yee mraane jeh inneenyn gheiney, as dy dymmyrk ad cloan daue, haink yn sleih cheddin dy ve deiney niartal, va ’sy chenn earish, ard-hranlaasee.

2 Samuel 10:6

As tra dennee cloan Ammon dy row ad dy mooar er vrasnaghey David, hug ad fys as daill ad Syrianee Veth-rehob, as Syrianee Zoba, feed thousane deiney coshee, as veih ree Maacah thousane dooinney, as veih Ish-tob daa housane jeig.

2 Samuel 12:11

Myr shoh ta’n Chiarn gra, Cur-my-ner, neem’s olk y hroggal seose dt’oï ass dty hie hene, as goyms ersooyl dty vraane kiongoyrt rish dty hooillyn, as ver-ym ad da dty naboo, as nee eh lhie mâroo ayns shilley’n ghrian shoh.

2 Samuel 13:5

As dooyrt Jonadab rish, Gow dty lhiabbee, as lhig ort dy vel oo ching: as tra hig dty ayr dy dty yeeaghyn, abbyr rish, Ta mee guee ort, lhig da my huyr Tamar cheet dy chur bee dou, as dy aarlaghey eh kiongoyrt rhym, dy voddym fakin eh, as goaill eh veih’n laue eck.

2 Samuel 15:16

As hie’n ree magh, as ooilley e vooinjer mârish: as daag y ree jeih mraane, e cho-lhiabbee, dy reaylley’n thie.

2 Samuel 16:20

Eisht dooyrt Absalom rish Ahitophel, Cur-jee nyn goyrle dy cheilley cre nee mayd.

2 Samuel 17:7

As dooyrt Hushai rish Absalom, Cha vel y choyrle ta Ahitophel er choyrt mie ec y traa shoh.

2 Samuel 2:7

Shen-y-fa nish, lhig da nyn laueyn v’er nyn niartaghey, as bee-jee dunnal: son ta nyn mainshtyr Saul marroo, as er shoh ta thie Yudah er my ooilaghey dy ve ree harrystoo.

2 Samuel 20:3

As haink David gys e hie ayns Jerusalem, as ghow’n ree ny jeih mraane e cho-lhiabbee, v’eh er n’aagail dy reayll e hie, as yeigh eh seose ad ayns thie er-lheh, as doardee eh beaghey daue, agh cha row echey dy yannoo roo: myr shoh v’ad scarrit voish derrey laa nyn maaish, baghey myr mraane-treoghe.

1 Reeaghyn 11:25

As v’eh ny noid da Israel rish ooilley lhing Solomon, cheu-mooie jeh’n olk ren Hadad y yannoo: as hug eh feoh da Israel, as ren eh reill er Syria.

1 Reeaghyn 2:17

As dooyrt eh, Loayr, ta mee guee ort, rish Solomon yn ree, (son cha n’obb eh oo,) dy der eh dooys Abishag yn Shunammite son ben.

1 Reeaghyn 2:22

As dreggyr ree Solomon, as dooyrt eh rish e voir, As kys te vel dy oo shirrey Abishag yn Shunammite da Adonijah? shir yn reeriaght da neesht; (son she eh my vraar shinney;) eer er y hon-syn, as er son Abiathar yn saggyrt, as er son Joab mac Zeruiah.

Leviticus 18:8

Nearey ben dt’ayrey cha jean oo roostey: te rooishtid dt’ayrey.

Leviticus 20:11

As y dooinney ta lhie marish ben e ayrey t’eh er roostey nearey e ayrey: bee ad nyn-neesht er nyn goyrt gy-baase: orroo hene vees yn uill oc.

Zechariah 8:13

As hig eh gy-kione, myr va shiu mollaght mastey ny ashoonee, O hie Yudah, as hie Israel; myr shen nee’m shiuish y hauail, as bee shiu son bannaght: ny bee aggle erriu, agh lhig da ny laueyn eu ve lajer.

1 Corinthianee 5:1

Te goo cadjin dy vel maarderys nyn mast’ eu, as lheid y vaarderys as nagh vel wheesh as er ny enmys mastey ny Ashoonyn-quaagh, dy jinnagh fer goaill da hene ben e ayrey.

1 Samuel 13:4

As cheayll ooilley Israel dy row Saul er woalley garrison ny Philistinee, as dy row ny Philistinee myrgeddin soit er goaill cooilleeney er Israel. As va’n pobble sumnit dy cheilley lurg Saul gys Gilgal.

1 Samuel 27:12

As chred Achish David, as smooinee eh rish hene, T’eh er chur er e phobble Israel dy choyrt slane dwoaie da; shen-y-fa bee eh my harvaant choud as vees eh bio.