2 Samuel 16:2 - Yn Vible Casherick 1775 1819

² As dooyrt y ree rish Ziba, Cre hon ta ooilley shoh? As dooyrt Ziba, Ta ny assylyn son lught-thie’n ree dy varkiagh orroo, as yn arran as ny messyn souree son beaghey da ny deiney aegey, as y feeyn dy ooraghey adsyn vees faiynt ’syn aasagh.

2 Samuel 16:2 ပူးပေါင်းရင်းမြစ်များ

Genesis 21:29

As dooyrt Abimelech rish Abraham, Cre hon ta ny shiaght eayin woirryn shoh, t’ou er hoiaghey er-lheh?

Genesis 33:8

As dooyrt eh, Cre t’ou kiarail, liorish ooilley yn imman shoh, haink my whail? As dooyrt eh, T’ad shoh dy voddym foayr y gheddyn ayns shilley my hiarn.

2 Samuel 15:1

As haink eh gy-kione lurg shoh, dy ren Absalom soiaghey magh da hene fainee as cabbil, as jeih deiney as da-eed son coshee dy roie roish.

2 Samuel 15:23

As cheayn ooilley’n cheer lesh ard choraa, as hie ooilley’n pobble harrish: hie’n ree eh-hene myrgeddin harrish awin Kidron, as hie ooilley’n pobble er nyn doshiaght lesh raad yn aasagh.

2 Samuel 17:29

As mill, as eeym, as kirree, as caashey baa, son beaghey da David as y pobble va mârish: son dooyrt ad, Ta ny deiney accryssagh, as skee, as paagh ’syn aasagh.

2 Samuel 19:26

As dreggyr eh, My hiarn, O ree, ren my harvaant m’y volley; son dooyrt mish dty harvaant, Cur jeelt er yn assyl dou dy varkiagh, dy gholl quail y ree, er-yn-oyr dy vel dty harvaant baccagh.

Ezekiel 37:18

As tra nee cloan dty phobble loayrt rhyt’s, gra, Nagh n’insh oo dooin cre t’ou toiggal lioroo shoh?

Briwnyn 10:4

As va echey jeih mec as feed, va markiagh er jeih lhiynyn assyl as feed, as va oc jeih ard-valjyn as feed, va enmyssit Havoth-jair gys y laa jiu, t’ayns cheer Ghilead.

Briwnyn 5:10

Cur-jee moylley, shiuish ta markiagh er assylyn baney; shiuish ta soie ayns briwnys, as shiuish ta shooyl er y raad.

1 Samuel 14:28

Eisht dreggyr fer jeh’n pobble, as dooyrt eh, Hug dt’ayr yn pobble fo sarey chion, lesh breearrey, gra, Cursit dy row’n dooinney ta goaill veg y veaghey yn laa shoh. As va’n pobble faiynt.

1 Samuel 25:27

As nish yn cowrey shoh ta dty harvaant er chur lh’ee gys my hiarn, lhig da v’er ny rheynn er ny deiney aegey ta marish my hiarn.