2 Samuel 16:16 - Yn Vible Casherick 1775 1819

¹⁶ As haink eh gy-kione, tra va Hushai yn Archite, carrey Ghavid, er jeet gys Absalom, dy dooyrt Hushai rish Absalom, Dy bannee Jee yn ree, dy bannee Jee yn ree.

2 Samuel 16:16 ပူးပေါင်းရင်းမြစ်များ

2 Samuel 15:32

As haink eh gy-kione, tra va David er roshtyn mullagh y chronk, raad hug eh ooashley da Jee, cur-my-ner haink Hushai yn Archite ny whail lesh e chooat raipit, as leoie er e chione.

2 Samuel 15:34

Agh my hyndaa-ys oo reesht gys yn ard-valley, as gra rish Absalom, Beem’s dty harvaant, O ree; myr ta mee er ve sharvaant dt’ayrey derrey nish, myr shen nish beem’s dty harvaant’s myrgeddin: eisht foddee oo, er my hon’s cleiy fo coyrle Ahitophel.

2 Samuel 15:37

Myr shoh hie Hushai carrey Ghavid gys yn ard-valley, as haink Absalom gys Jerusalem.

1 Reeaghyn 1:25

Son t’eh er n’gholl sheese jiu, as er varroo ymmodee dew as muirht as niart kirree, as t’eh er chuirrey ooilley mec y ree, as captanyn yn armee, as Abiathar y saggyrt: as cur-my-ner t’ad gee as giu kiongoyrt rish, as gra, Dy saue Jee ree Adonijah.

1 Reeaghyn 1:34

As lhig Zadok yn saggyrt as Nathan y phadeyr ooilaghey eh ayns shen ny ree er Israel: as sheid-jee yn trumpet, gra, Dy saue Jee ree Solomon.

1 Reeaghyn 4:5

As va Azariah mac Nathan harrish ny fir-oik; as Zabud mac Nathan va’n ard fer-oik, as carrey’n ree;

2 Reeaghyn 11:12

As hug eh lesh magh mac y ree, as hug eh yn crown er, as livrey eh da lioar y leigh: as ren ad eh ny ree, as dooilee ad eh; as woaill ad nyn massyn cooidjagh, as dooyrt ad, Dy voddey beayn y ree.

Daniel 2:4

Eisht loayr ny Caldeanee rish y ree ayns Syriack, Dy voddey beayn dhyt’s, O ree: insh da dty harvaantyn y dreamal, as soilshee mayd dhyt cre t’er ny hoiggal liorish.

Daniel 5:10

Nish er coontey goan y ree as e hiarnyn, haink y ven-reïn stiagh gys thie ny cuirraghyn, as loayr y ven-reïn, as dooyrt ee, Dy voddey beayn da’n ree! ny lhig da dty smooinaghtyn oo y heaghney, chamoo lhig da dty eddin ve er ny chaghlaa.

Daniel 6:21

Eisht dooyrt Daniel rish y ree, Dy voddey beayn dhyt’s, O ree!

Daniel 6:6

Eisht haggil ny ard-reiltee as ny princeyn shoh cooidjagh gys y ree, as shoh myr dooyrt ad rish, Dy voddey beayn da’n ree Darius!

Noo Mian 21:9

As deïe yn pobble hie roish, as adsyn haink ny yeï, gra, Hosanna gys mac Ghavid: bannit t’eshyn ta cheet ayns ennym y Chiarn, Hosanna ayns yn yrjid.

1 Samuel 10:24

As dooyrt Samuel rish ooilley’n pobble, Cur-jee my-ner yn dooinney ta’n Chiarn er reih, nagh vel e lheid mastey ooilley’n pobble: As deïe ooilley’n pobble, as dooyrt ad, Dy bannee Jee yn ree.