2 Samuel 16:11 - Yn Vible Casherick 1775 1819

¹¹ As dooyrt David rish Abishai, as rish ooilley e harvaantyn, Cur-my-ner, ta my vac, haink magh veih my veeghyn, shegin er my vioys: foddey sloo eisht ta’n Benjamite shoh dy ve cronnit. Faag-jee veue eh, as lhig da gweeaghyn: son ta’n Chiarn er lhiggey da.

2 Samuel 16:11 ပူးပေါင်းရင်းမြစ်များ

Genesis 15:4

As cur-my-ner, haink goo yn Chiarn huggey, gra, Cha bee eh shoh dty eirey, agh eshyn hig veih dty veeghyn hene vees dty eirey.

Genesis 45:5

Nish, er-y-fa shen, ny bee-jee seaghnit, ny corree riu hene, dy chreck shiu mish gys shoh: son Jee hug mish reue, dy hauail bioys.

2 Samuel 20:1

As haghyr dooinney dy ve ayns shen, dooinney dy Velial, as yn ennym echey Sheba, mac da Bichri, ny Venjamite; as heid eh trumpet, as dooyrt eh, Cha vel ayrn erbee ainyn ayns David, chamoo ta eiraght ain ayns mac Jesse: dy chooilley ghooinney gys e hie hene, O Israel.

2 Samuel 7:2

Dy dooyrt y ree rish Nathan y phadeyr, Cur-my-ner, ta mish nish baghey ayns thie cedar, agh ta arg Yee er ny reayll ayns cabbane fo curtanyn.

2 Reeaghyn 19:37

As haink eh gy-kione, myr v’eh ooashlaghey ayns thie Nisroch yn jee echey, dy woaill Adrammelech as Sharezer e vec eh lesh y chliwe: as chossyn ad rhymboo gys cheer Armenia. As ren Esar-haddon e vac reill ’syn ynnyd echey.

2 Recortyssyn 32:21

As hug y Chiarn magh ainle ren stroie ooilley ny deiney niartal caggee, as ny leeideilee as ny captanyn, ayns camp ree Assyria: myr shen hyndaa eh reesht lesh nearey eddin gys e heer hene. As tra v’eh er jeet stiagh ayns thie e Yee, ren adsyn haink magh ass e veeghyn, y varroo eh ayns shen lesh y chliwe.

Psalmyn 109:28

Lhig da my noidyn ve er nyn goamrey lesh nearey: as lhig daue ve coodit lesh nyn scammylt hene myr lesh cloagey.

Ezekiel 14:9

As my ta’n phadeyr mollit tra t’eh er n’ockley magh nhee erbee, mish yn Chiarn t’er choyrt shaghrynys er y phadeyr cheddin, as sheeyn-yms magh my laue er, as stroie-ym eh veih mastey my phobble Israel.

Ezekiel 20:25

Shen-y-fa hug mee daue myrgeddin slattyssyn nagh row mie, as briwnyssyn lioroo nagh voddagh ad beaghey.

Noo Mian 10:21

As livreyee braar seose e vraar gys baase, as yn ayr e lhiannoo: as nee cloan girree magh noi nyn ayr as nyn moir, as bee ad feanishyn baaish orroo.

1 Samuel 26:19

Nish er-y-fa shen, ta mee guee ort, lhig da my hiarn y ree geaishtagh rish goan dty harvaant: my she’n Chiarn t’er dty ghreinnaghey m’oï, lhig da soiaghey jeh my vioys son lhiasaghey: agh my she cloan gheiney ad, my vollaght orroo fenish y Chiarn; son t’ad er my imman magh ’sy traa t’ayn veih cummal ayns eiraght y Chiarn, wheesh as dy ghra, Immee, as shirveish jeeghyn joarree.