2 Samuel 16:1 - Yn Vible Casherick 1775 1819

¹ As tra va David er n’gholl tammylt harrish mullagh y chronk, cur-my-ner, haink Ziba sharvaant Mephibosheth ny whail, lesh cubbyl dy assylyn jeeltit, as orroo daa cheead bwilleen arran, as keead dhoss dy raisinyn, as keead dy vessyn-souree, as saagh feeyney.

2 Samuel 16:1 ပူးပေါင်းရင်းမြစ်များ

2 Samuel 15:30

As hie David seose lesh cronk Olivet, keayney myr v’eh goll seose, lesh e chione coodit, as e chassyn rooisht: as dy chooilley ghooinney va mârish lesh e chione coodit, as hie ad seose, keayney myr v’ad goll.

2 Samuel 15:32

As haink eh gy-kione, tra va David er roshtyn mullagh y chronk, raad hug eh ooashley da Jee, cur-my-ner haink Hushai yn Archite ny whail lesh e chooat raipit, as leoie er e chione.

2 Samuel 19:17

As va thousane dy gheiney Venjamin mârish, as Ziba sharvaant dy hie Saul, as e wheig mec jeig, as feed sharvaant mârish, as hie ad harrish Jordan roish y ree.

2 Samuel 19:32

Nish va Barzillai ny ghooinney feer shenn, eer kiare-feed bleïn dy eash, as v’eh er n’yannoo magh y ree lesh beaghey choud’s duirree eh ec Mahanaim; son v’eh dooinney feer ooasle.

1 Recortyssyn 12:40

Adsyn myrgeddin v’er-gerrey daue, eer derrey Issachar, as Zebulun, as Naphtali, hug ad lhieu er assylyn, as er camelyn, as er muleyn, as er dew, arran, as feill, meinn, as cabbaagyn-figgagh, as dossanyn dy raisinyn, as feeyn, as ooil, as dew, as kirree er y phalchey: son va boggey ayns Israel.

Raaghyn Creeney 18:16

Ta gioot dooinney jannoo raad da, as cur lesh eh gys sheshaght deiney mooarey.

Jeremiah 40:10

Er my hon hene, cur-my-ner, nee’m cummal ec Mizpah dy hirveish ny Caldeanee hig hooin: agh shiuish, chaggle-jee feeyn as messyn souree, as ooil, as jean-jee stoyr jeu, as cum-jee ayns nyn ard-valjyn ta shiu er reayll.

Jeremiah 40:12

Eisht hyndaa ooilley ny Hewnyn veih dy chooilley ard raad v’ad eiyrit, as haink ad gys thalloo Yudah, gys Gedaliah ayns Mizpah; as hymsee ad stiagh feeyn, as messyn souree, cooid nagh nee beggan.

Amos 8:1

Shoh myr ta’n Chiarn Jee er hoilshaghey dooys, as cur-my-ner, baskad dy vessyn-souree.

Micah 7:1

Smerg dooys! son ta mee myr adsyn ta mysh chaglym ny messyn souree, as jeelym y fouyr-feeyney: cha vel dhossan aym jeu dy ee: ga dy vel my annym geearree yn vess toshee.

1 Samuel 10:3

Eisht heu er dty hoshiaght veih shen, as hig oo gys thalloo-rea Tabor, as ayns shen hig three deiney dty whail goll seose dy hirveish Jee gys Beth-el, fer jeu cur lesh three mannanyn, fer elley three bwilleenyn arran, as yn er elley boteil feeyney:

1 Samuel 16:20

As ghow Jesse lught assyl dy arran, as boteil feeyney, as mannan, as hug eh ad lesh David e vac gys Saul.

1 Samuel 25:18

Eisht ren Abigail siyr, as ghow ee daa cheead bwilleen, as daa haagh feeyney, as queig kirree aarlit, as queig towseyn dy arroo greddanit, as keead dossan dy raisinyn, as daa cheead baskad dy figgyn, as hug ee ad er assylyn.