2 Samuel 15:8 - Yn Vible Casherick 1775 1819

⁸ Son ren dty harvaant breearrey ’yannoo tra va mee ec Geshur ayns Syria, gra, My ver y Chiarn lesh mee reesht eer gys Jerusalem, eisht neem’s shirveish y Chiarn.

2 Samuel 15:8 ပူးပေါင်းရင်းမြစ်များ

2 Samuel 14:23

Myr shoh hrog Joab er, as hie eh gys Geshur, as hug eh lesh Absalom gys Jerusalem.

2 Samuel 14:32

As dreggyr Absalom Joab, Cur-my-ner hug mee fys ort, gra, Tar hym, dy gholl er chaghteraght dou gys y ree, as dy ghra rish, Cre’n-fa ta mee er jeet veih Geshur? veagh eh ny bare dou dy ve er vuirriaght raad va mee: nish, er-y-fa shen, lhig dou cheet fenish y ree; as my ta neu-chairys erbee aynym, lhig da goaill my vioys.

2 Samuel 15:9

As dooyrt y ree rish, Immee royd ayns shee. Er shoh hrog eh er, as hie eh gys Hebron.

2 Samuel 3:3

As yn nah er Chileab, rish Abigail va ben Nabal yn Carmelite; as yn trass Absalom, mac Maacah inneen Talmai ree Yeshur:

Psalmyn 56:12

Dhyt’s, O Yee, eeck-ym my vreearraghyn: dhyt’s ver-ym booise.

Ecclesiastes 5:4

Tra t’ou jannoo breearrey gys Jee, ny lhig shaghey dy chooilleeney eh: son cha vel taitnys erbee echeysyn ayns ommydanyn; eeck shen ny t’ou er vreearrey.

Isaiah 28:15

Er-yn-oyr dy vel shiu er ghra, Ta shin ayns conaant rish y vaase, as rish niurin ta shin er n’yannoo coardail; tra ta’n slatt goll trooid y cheer myr thooilley, cha jig eh orrin; son ta shin er n’yannoo breagyn nyn gemmyrk, as fo molteyrys ta shin er ollaghey shin hene.

Jeremiah 42:20

Son ren shiu molteyrys ayns nyn gree, tra hug shiu mish gys y Chiarn yn Jee eu, gra, Gow padjer er nyn son gys y Chiarn nyn Yee, as rere myr jir y Chiarn nyn Yee, insh dooin, as nee mayd eh.

Joshua 24:15

Agh my te noi nyn aigney dy hirveish yn Chiarn, reih-jee yn laa jiu quoi nee shiu y hirveish; edyr ny jeeghyn ren ny ayraghyn eu shirveish cheu elley jeh’n awin, ny jeeghyn ny Amoriteyn ’sy cheer oc ta shiu cummal: agh er my hon hene as my lught-thie, shirveish mayd y Chiarn.

1 Samuel 1:11

As ren ee breearrey, as dooyrt ee, O Hiarn dy heshaght-flaunyss, my nee oo dy jarroo jeeaghyn er seaghyn dty inney-veyl, as cooinaghtyn orrym, as nagh jarrood oo dt’inney-veyl, agh dy der oo da dt’inney-veyl lhiannoo-mac, eisht neem’s eh y chasherickey gys y Chiarn ooilley laghyn e vea, as cha jig razor er e chione.

1 Samuel 16:2

As dooyrt Samuel, Kys oddym goll? my chlinnys Saul jeh, nee eh m’y varroo. As dooyrt y Chiarn, Gow colbagh mayrt, as abbyr, Ta mee cheet dy hebbal oural gys y Chiarn.