2 Samuel 15:30 - Yn Vible Casherick 1775 1819

³⁰ As hie David seose lesh cronk Olivet, keayney myr v’eh goll seose, lesh e chione coodit, as e chassyn rooisht: as dy chooilley ghooinney va mârish lesh e chione coodit, as hie ad seose, keayney myr v’ad goll.

2 Samuel 15:30 ပူးပေါင်းရင်းမြစ်များ

2 Samuel 15:29

Shen-y-fa hug Zadok as Abiathar lhieu arg Yee reesht gys Jerusalem; as duirree ad ayns shen.

2 Samuel 19:4

Agh choodee’n ree e eddin, as dyllee eh lesh coraa ard, O my vac Absalom! O Absalom, my vac, my vac!

2 Samuel 19:5

As haink Joab stiagh ’sy thie gys y ree, as dooyrt eh, T’ou er y laa jiu er naaraghey eddin ooilley dty harvaantyn, ta jiu er hauail dty vioys, as bioys dty vec, as dt’inneenyn, as bioys dty vraane, as bioys dty cho-lhiabbee;

Esther 6:12

As haink Mordecai reesht gys giat y ree: agh ren Haman siyr gys e hie, dobberan, as lesh e chione coodit.

Psalmyn 42:3

Ta my yheïr er ve my veaghey laa as oie: choud as t’ad gagh laa gra rhym, Cre vel nish dty Yee?

Psalmyn 43:5

Cre’n-fa t’ou cha trimshagh, O m’annym: as cre hon t’ou cha anveagh cheu-sthie jee’m?

Ezekiel 24:17

Shaghyn dty cheayney, ny jean dobberan erbee son ny merriu, kiangle ort coamrey dty chione, as cur dty vraagyn er dty chassyn, as ny coodee dty veillyn, as ny ee arran ny trimshee.

Ezekiel 24:23

As nee shiu nyn ghing y choamrey, as bee nyn mraagyn er nyn gassyn; cha jean shiu dobberan ny keayney, agh nee shiu shymley ersooyl son nyn mee-chraueeaght, as dobberan y derrey yeh gys y jeh elley.

Zechariah 14:4

As shassee ny cassyn echey ’sy laa shen er slieau ny oliveyn, ta roish Jerusalem gys y shiar; as nee slieau ny oliveyn scoltey ’sy vean gys y shiar, as gys y sheear, as bee coan feer vooar; as nee’n derrey lieh jeh’n clieau scughey gys y twoaie, as y lieh elley gys y jiass.

Noo Mian 5:4

Bannit t’adsyn ta dobberan: son bee ad er nyn gherjaghey.

Noo Luke 19:29

As haink eh gy-kione, tra v’ad er jeet er-gerrey da Bethphage as Bethany, ec y chronk va enmyssit cronk ny oliveyn, dy dug eh jees jeh e ostyllyn er chaghteraght,

Noo Luke 19:37

As tra v’eh er jeet er-gerrey, eer ec goll sheese cronk ny oliveyn, ghow yn slane sheshaght jeh e eiyrtyssee toshiaght dy ghoaill boggey, as dy chur moylley da Jee lesh ard-choraa, son ooilley ny obbraghyn mirrilagh v’ad er n’akin,

Noo Luke 19:41

As tra v’eh er jeet er-gerrey, yeeagh eh er yn ard-valley, as cheayn eh harrish.

Noo Luke 21:37

As ayns y laa v’eh gynsaghey ’sy chiamble, as ec yn oie goll magh as goaill aaght ec y chronk ta enmyssit cronk ny Oliveyn.

Noo Luke 22:39

As haink eh magh, as hie eh myr v’eh cliaghtey, gys cronk ny Oliveyn; as deiyr ny ostyllyn myrgeddin er.

Jannoo 1:12

Eisht haink ad reesht gys Jerusalem, veih yn chronk va enmyssit Olivet, va veih Jerusalem jurnah laa doonee.

Romanee 12:15

Gow-jee boggey mâroosyn ta goaill boggey, as jean-jee dobberan mâroosyn ta dobberan.

1 Corinthianee 12:26

Son edyr un olt dy hurranse, ta ooilley ny oltyn surranse mârish: ny un olt dy v’er ny choamrey lesh onnor, ta ooilley ny oltyn goaill boggey mârish.