2 Samuel 15:3 - Yn Vible Casherick 1775 1819

³ As dooyrt Absalom rish, Hee’m dy vel dty chooish mie as cairagh: agh cha vel dooinney erbee fo’n ree dy choyrt clashtyn dhyt.

2 Samuel 15:3 ပူးပေါင်းရင်းမြစ်များ

2 Samuel 15:4

As dooyrt Absalom ny-sodjey, O dy beign’s my vriw ayns y cheer, dy voddagh dy chooilley ghooinney ta shuit ny cooish erbee echey cheet hym’s, as yinnin’s cairys da!

2 Samuel 8:15

As ren David reill harrish ooilley Israel, as ren David shirveish briwnys as cairys er ooilley e phobble.

Psalmyn 12:2

T’ad taggloo jeh fardail dagh unnane rish e naboo: cha vel ad agh brynneraght lesh nyn meillyn, as jannoo molteyrys ayns nyn gree dooble.

Exodus 20:12

Cur arrym da dt’ayr as da dty voir: dy vod dty laghyn ve beayn er y thalloo, ta’n Chiarn dty Yee dy chur dhyt.

Exodus 21:17

As eshyn ta guee mollaght da e ayr, ny e voir, bee eh, son shickyrys, er ny choyrt gy-baase.

Raaghyn Creeney 12:2

Ta dooinney mie geddyn foayr veih’n Chiarn: agh y dooinney molteyragh nee eh y gheyrey.

Raaghyn Creeney 30:11

Ta sheeloghe ayn ta gwee mollaght er nyn ayr, as nagh vel bannaghey nyn moir.

Raaghyn Creeney 30:17

Yn sooill ta craidey mysh e ayr, as ta gobbal biallys da e voir, nee fiee ny glionney spolgey ass eh; as nee ny urlee aegey gee eh.

Ezekiel 22:7

Aynyd’s t’ad er hoiaghey beg jeh ayr as moir: ayns dty vean t’ad er n’yannoo tranlaase er y joarree: aynyd’s t’ad er heaghney yn chloan gyn ayr, as y ven-treoghe.

Daniel 11:21

As ny ynnyd echeysyn reesht nee girree seose moodjeen dy ghooinney, dasyn nagh der ad ooashley yn reeriaght; agh hig eh stiagh dy sheeoil, as cosnee eh yn reeriaght lesh brynneraght.

Earrooyn 16:3

As haggil ad cooidjagh noi Moses, as noi Aaron, as dooyrt ad roo, Ta shiuish goaill rouyr stayd erriu, fakin dy vel ooilley’n cheshaght casherick dagh unnane oc, as ta’n Chiarn ny mast’ oc; cre’n-oyr eisht dy vel shiu soiaghey shiu hene seose erskyn pobble y Chiarn.

Noo Mian 15:4

Son hug Jee sarey, gra, Cur arrym da dty ayr as da dty voir: as, Eshyn ta gwee mollaght er ayr ny moir, lhig da ve currit dy baase.

Jannoo 23:5

Eisht dooyrt Paul, Cha smooinee mee, vraaraghyn, dy nee yn ard-saggyrt v’eh: son te scruit, Cha loayr oo dy olk jeh fer-reill dty phobble.

1 Peddyr 2:17

Cur-jee onnor da dy chooilley ghooinney. Bee-jee graihagh er ny braaraghyn [Creestee]. Gow-jee aggle roish Jee. Cur-jee onnor da’n ree.

2 Peddyr 2:10

As erskyn ooilley adsyn ta gimmeeaght lurg yn eill, ’sy taynt dy neu-ghlennid, as soiaghey beg jeh reiltys: daaney t’ad, creoi-wannallagh, cha vel aggle orroo dy loayrt dy olk jeh ny pooaraghyn syrjey: