2 Samuel 15:26 - Yn Vible Casherick 1775 1819

²⁶ Agh my jir eh myr shoh, Cha vel taitnys erbee aym aynyd: cur-my-ner, ta mee ayns shoh, lhig da jannoo rhym myr ta mie ayns e hilley.

2 Samuel 15:26 ပူးပေါင်းရင်းမြစ်များ

2 Samuel 10:12

Bee jeh cree mie, as lhig dooin caggey myr deiney son y pobble ain, as son ard-valjyn y Jee ain: as aigney-mie’n Chiarn dy row jeant.

2 Samuel 11:27

As tra va laghyn y dobberan ec kione, hug David fys, as hug eh lesh ee gys e hie hene, as haink ee dy ve e ven, as rug ee mac da. Agh va’n Chiarn jymmoosagh son shen ny va David er n’yannoo.

2 Samuel 19:28

Son cha row ooilley thie m’ayrey agh deiney marroo kiongoyrt rish my hiarn y ree: ny-yeih hoie oo dty harvaant mastey goaldee dty voayrd hene. Cre’n chairys eisht t’aym’s dy yannoo aghin sodjey gys y ree?

2 Samuel 22:20

Hug eh lesh mee magh neesht gys boayl dy reamys; livrey eh mee, son dy row taitnys echey aynym.

1 Reeaghyn 10:9

Bannit dy row’n Chiarn dty Yee, ghow taitnys aynyd, dy hoiaghey oo er stoyl-reeoil Israel: er-yn-oyr dy bynney lesh y Chiarn Israel er-dy-rieau, shen-y-fa ren eh ree jeed’s, dy chur briwnys as cairys.

1 Recortyssyn 21:7

As kyndagh rish yn obbyr shoh va Jee er ny vrasnaghey; shen-y-fa woaill eh Israel.

2 Recortyssyn 9:8

Bannit dy row’n Chiarn dty Yee, t’er ghoaill taitnys aynyd dy hoiaghey oo er e stoyl-reeoil, dy ve ree son y Chiarn dty Yee: er-yn-oyr dy row dty Yee graihagh er Israel, dy niartaghey lhieu son dy bragh, shen-y-fa t’eh er n’yannoo uss dty ree harrystoo, dy choyrt briwnys as cairys.

Psalmyn 39:9

Livrey mee veih ooilley my loghtyn: as ny lhig dou ’ve son craid da’n vooinjer vee-chrauee.

Isaiah 42:1

Cur-my-ner my harvaant, ta mee dy niartaghey; my er-reiht, ayn ta my annym goaill taitnys: ta mee er choyrt my Spyrryd ersyn; ver eh magh briwnys gys ny ashoonee.

Isaiah 62:4

Cha bee uss ny smoo enmyssit Yn unnane treigit: chamoo vees dty heer ny lurg shoh enmyssit Traartys: agh bee uss enmyssit Hephzibah, as dty heer Beulah: son ta’n Chiarn goaill taitnys aynyd, as bee dty heer poost rish.

Jeremiah 22:28

Vel y dooinney shoh Coniah ny yalloo brisht tilgit ry-lhiattee? nee saagh brisht eh nagh vel gys veg yn ymmyd; dy vel ad tilgit magh, eshyn as e luight, as ceaut stiagh ayns cheer quaagh daue?

Jeremiah 32:41

Neem’s eer boggey ’ghoaill harrystoo dy yannoo mie daue, as ver-ym daue cummal shickyr ’sy cheer shoh lesh ooilley my chree, as ooilley my annym.

Earrooyn 14:8

My ta taitnys ec y Chiarn aynin, eisht ver eh lesh shin gys y cheer shoh, as ver eh dooin eh; cheer messoil ayns bainney as mill.

Noo Mian 1:10

As hooar Ezekias Manasses, as hooar Manasses Amon, as hooar Amon Josias.

Joshua 9:25

As cur-my-ner nish, ta shin ayns dty laue: myr te mie as cairagh ayns dty hilley jean uss rooin.

Briwnyn 10:15

As dooyrt cloan Israel rish y Chiarn, Ta shin er n’yannoo peccah: jean uss rooin myr hee-ys oo mie; agh livrey shin, ta shin guee ort, yn cheayrt shoh.

1 Samuel 3:18

As dinsh Samuel da dy chooilley ockle, as cha cheill eh veg voish. As dooyrt Eli, She’n Chiarn t’ayn: e aigney dy row jeant.