2 Samuel 15:25 - Yn Vible Casherick 1775 1819

²⁵ As dooyrt David rish Zadok, Cur lhiat back arg Yee stiagh ’syn ard-valley: my yioyms foayr ayns shilley’n Chiarn, ver eh lesh mee reesht, as jeeaghee eh dou chammah shen as e chabbane-agglish.

2 Samuel 15:25 ပူးပေါင်းရင်းမြစ်များ

2 Samuel 6:17

As hug ad lhieu arg y Chiarn stiagh, as hoie ad eh ayns e ynnyd, ayns mean y chabbane-agglish va David er hroggal er y hon: as heb David ourallyn-losht as ourallyn-shee fenish y Chiarn.

2 Samuel 7:2

Dy dooyrt y ree rish Nathan y phadeyr, Cur-my-ner, ta mish nish baghey ayns thie cedar, agh ta arg Yee er ny reayll ayns cabbane fo curtanyn.

Psalmyn 122:1

S’mooar va my voggey tra dooyrt ad rhym: Nee mayd goll gys thie’n Chiarn.

Psalmyn 122:9

Dy jarroo, son graih chiamble y Chiarn nyn Yee: shir-ym dy choyrt dty vie er y hoshiaght.

Psalmyn 26:8

Hiarn, ta mee er ve graihagh er cooyrtyn dty hie: as ynnyd cabbane-agglish dty ooashley.

Psalmyn 84:10

Son ta un laa ayns dty chooyrtyn: ny share na thousane.

Exodus 15:13

Ayns dty vyghin, t’ou er leeideil magh dty phobble, daue t’ou er choyrt livrey-ys: t’ou er leeideil ad ayns dty niart gys dty chummal casherick.

Exodus 33:12

As dooyrt Moses rish y Chiarn, Cur-my-ner, t’ou gra rhym, Cur lhiat seose y pobble shoh: as cha vel oo er hoilshaghey dou quoi ver oo mârym. Ga dy vel oo er ghra, Shynney lhiam dty ennym, as t’ou er gheddyn foayr ayns my hilley’s.

Exodus 33:13

Shen-y-fa nish, ta mee guee ort, my ta mee er gheddyn foayr ayns dty hilley, soilshee dou nish dty raad, dy vod toiggal ’ve aym jeed, dy voddym foayr y gheddyn ayns dty hilley; as cooinee dy vel yn ashoon shoh dty phobble hene.

Isaiah 38:22

As va Hezekiah myrgeddin er ghra, Cre ta’n cowrey dy jem’s seose gys thie yn Chiarn?

Jeremiah 25:30

Shen-y-fa nee oo phadeyrys ooilley ny goan shoh nyn ’oï, as gra roo, Nee’n Chiarn gyllaghey veih’n yrjid, as fockley-magh e choraa veih e chummal casherick; ver eh magh yllaghey atchimagh er e chummal; troggee eh seose e choraa noi ooilley cummaltee yn thallooin, myr adsyn ta broo ny messyn-feeyney.

Jeremiah 7:4

Ny cur-jee nyn marrant er goan fardalagh, gra, Chiamble y Chiarn, Chiamble y Chiarn, Chiamble y Chiarn, ad shoh.