2 Samuel 15:23 - Yn Vible Casherick 1775 1819

²³ As cheayn ooilley’n cheer lesh ard choraa, as hie ooilley’n pobble harrish: hie’n ree eh-hene myrgeddin harrish awin Kidron, as hie ooilley’n pobble er nyn doshiaght lesh raad yn aasagh.

2 Samuel 15:23 ပူးပေါင်းရင်းမြစ်များ

2 Samuel 15:22

As dooyrt David rish Ittai, Immee royd, as fow harrish. As hie Ittai yn Gittite harrish, as ooilley e gheiney, as ooilley’n vooinjer veggey va mârish.

2 Samuel 15:28

Jeeagh-jee, fuirr-yms ayns cheer-rea yn aasagh, derrey yioym fys veue dy choyrt shickyrys dou.

2 Samuel 16:2

As dooyrt y ree rish Ziba, Cre hon ta ooilley shoh? As dooyrt Ziba, Ta ny assylyn son lught-thie’n ree dy varkiagh orroo, as yn arran as ny messyn souree son beaghey da ny deiney aegey, as y feeyn dy ooraghey adsyn vees faiynt ’syn aasagh.

1 Reeaghyn 15:13

As myrgeddin Maachah e voir, dy jarroo ish ren eh scughey veih ve ny ben-reïn, er-yn-oyr dy hrog ee jalloo ayns y cheyll; as hug Asa mow yn jalloo eck, as losht eh eh liorish yn strooan Kidron.

1 Reeaghyn 2:37

Son shen myr vees eh, er y laa dy jeu magh, as goll harrish awin Kidron, bee fys ayd son firrinys dy bee oo ayns shickyrys er dty choyrt gy-baase: bee dty uill er dty chione hene.

2 Recortyssyn 29:16

As hie ny saggyrtyn stiagh gys ynnyd smoo casherick thie’n Chiarn, dy ghlenney, as dy chartey magh ooilley’n vroïd hooar ad ayns chiamble y Chiarn, gys cooyrt thie’n Chiarn. As hrog ny Leviteyn lhieu magh eh gys strooan Kidron.

Jeremiah 31:40

As bee slane coan ny kirp marroo, as thorran ny leoie, as ooilley ny magheryn, choud’s strooan Chidron, gys corneil giat ny gabbyl lesh y shiar, casherick gys y Chiarn: cha bee eh er ny rassey veih’n undin, ny lhieggit, arragh son dy bragh.

Noo Mian 3:1

Ayns ny laghyn shen haink Ean Bashtey, preacheil ayns faasagh Yudea,

Noo Mian 3:3

Son shoh eshyn va loayrit jeh liorish y phadeyr Esaias, gra, Coraa fer geamagh ayns yn aasagh, Kiartee-jee raad y Chiarn, jean-jee ny cassanyn echey jeeragh.

Noo Luke 1:80

As daase y lhiannoo, as v’eh er ny niartaghey ’sy spyrryd, as v’eh ayns ny faasaghyn, derrey’n laa v’eh er ny hoilshaghey da Israel.

Noo Ean 18:1

Tra va Yeesey er loayrt ny goan shoh, hie eh magh marish e ostyllyn harrish y strooan Cedron, raad va garey, as hie eshyn as e ostyllyn stiagh ayn.

Romanee 12:15

Gow-jee boggey mâroosyn ta goaill boggey, as jean-jee dobberan mâroosyn ta dobberan.