2 Samuel 15:14 - Yn Vible Casherick 1775 1819

¹⁴ As dooyrt David rish ooilley e harvaantyn va mârish ec Jerusalem, Irree-jee, as lhig dooin cosney ersooyl; er-nonney cha jean mayd scapail veih Absalom: lhig dooin siyr ’yannoo dy gholl roïn, er-aggle dy jig eh orrin doaltattym, as cragh y choyrt orrin, as dy bwoaill eh yn ard-valley lesh foyr y chliwe.

2 Samuel 15:14 ပူးပေါင်းရင်းမြစ်များ

2 Samuel 12:11

Myr shoh ta’n Chiarn gra, Cur-my-ner, neem’s olk y hroggal seose dt’oï ass dty hie hene, as goyms ersooyl dty vraane kiongoyrt rish dty hooillyn, as ver-ym ad da dty naboo, as nee eh lhie mâroo ayns shilley’n ghrian shoh.

2 Samuel 15:15

As dooyrt sharvaantyn y ree rish, Cur-my-ner ta dty harvaantyn aarloo dy yannoo cre-erbee nee my hiarn y ree pointeil.

2 Samuel 19:10

As Absalom, ren shin y ooilaghey harrin, t’eh marroo ’sy chaggey: nish er-y-fa shen, kys te nagh vel shiu loayrt fockle mychione coyrt lhieu back y ree?

2 Samuel 19:9

As va anvea mastey ooilley’n pobble, trooid ooilley tribeyn Israel, gra, Haue y ree shin ass laue nyn noidyn, as livrey eh shin ass laue ny Philistinee; as nish t’eh er roie’n cheer kyndagh rish Absalom.

Psalmyn 51:18

O bee uss foayroil as graysoil da Sion: trog seose voallaghyn Yerusalem.

Ezekiel 46:18

Myrgeddin, cha nhegin da’n prince goaill veg jeh eiraght e phobble er niart, dy eiyrt ad ass nyn gummallyn; agh ver eh eiraght da ny mec echey hene ass e chummal hene: nagh bee yn pobble aym’s er nyn skeayley, dagh dooinney veih e chummal.

Noo Mian 11:12

As er-dy laghyn Ean Bashtey derrey nish, ta sleih chionney stiagh gys reeriaght niau, as t’adsyn ta cheet lesh jeeanid cosney stiagh ayn.

Noo Luke 10:15

As uss Chapernaum, ta dty ooashley roshtyn gys niau, bee oo er dty hilgey sheese gys niurin.