2 Samuel 15:12 - Yn Vible Casherick 1775 1819

¹² As hug Absalom fys son Ahitophel yn Gilonite, fer-coyrlee Ghavid, veih e ard-valley, eer veih Giloh, dy ve mârish ec yn oural. As va sheshaght y choyrle-follit niartal: son ren y pobble bishaghey gagh laa, as cheet stiagh gys Absalom.

2 Samuel 15:12 ပူးပေါင်းရင်းမြစ်များ

2 Samuel 15:31

As ve inshit da David, gra, Ta Ahitophel mastey dty noidyn marish Absalom. As dooyrt David, O Hiarn, ta mee guee ort, chyndaa coyrle Ahitophel gys ommijys.

2 Samuel 16:15

As haink Absalom, as ooilley’n pobble deiney Israel, gys Jerusalem, as Ahitophel mâroo.

2 Samuel 17:14

As dooyrt Absalom as ooilley deiney Israel, Ta coyrle Hushai yn Archite ny share na coyrle Ahitophel. Son veih’n Chiarn ve, dy chastey coyrle chreeney Ahitophel, dy chooilleeney er Absalom yn olk va’n Chiarn er chiarail n’oï.

2 Samuel 17:23

As tra honnick Ahitophel nagh ghow ad y choyrle echeysyn, yeelt eh e assyl, as hrog eh er, as hie eh thie gys e ard-valley hene, as ren eh e hymney, as hrogh eh eh-hene, as hooar eh baase, as v’eh oanluckit ayns oaie e ayrey.

2 Samuel 23:34

Eliphelet mac Ahasbai, mac yn Maachathite; Eliam mac Ahitophel yn Gilonite,

1 Reeaghyn 21:12

Doardee ad trostey, as hoie ad seose Naboth fenish y pobble.

1 Reeaghyn 21:9

As hug ee ayns ny screeunyn, gra, Jean-jee trostey y ockley magh, as soie-jee Naboth seose fenish y pobble.

1 Recortyssyn 27:33

As Ahitophel va fer-coyrlee yn ree, as Hushai yn Archite va sheshey da’n ree.

Psalmyn 41:10

Agh bee uss myghinagh dou, O Hiarn: jean uss my hroggal seose reesht, as nee’m ad y chooilleeney.

Psalmyn 41:9

Dy jarroo, my charrey ainjyssagh hene, er hug mee my hreisht: eshyn neesht ren gee jeh m’arran, t’eh dy mooar farkiaght dy follit er my hon.

Raaghyn Creeney 15:8

Ta oural ny mee-chrauee dwoaiagh da’n Chiarn: agh t’eh goaill taitnys ayns padjer yn er ynrick.

Raaghyn Creeney 21:27

Ta oural ny mee-chrauee dwoaiagh: cre-woad smoo, tra t’eh dy hebbal eh lesh cree crauee-oalsey?

Jeremiah 6:20

Gys cre’n ymmyd ta incense cheet hym’s veih Sheba, as y cane millish veih cheer foddey jeh? cha vel taitnys aym ayns nyn jebballyn-losht, chamoo ta nyn ourallyn gys my aigney,

Earrooyn 23:1

AS dooyrt Balaam rish Balak, Trog dou ayns shoh shiaght altaryn, as fow aarloo dou ayns shoh shiaght dew, as shiaght reaghyn.

Earrooyn 23:14

As hug eh lesh eh gys magher Zophim, gys mullagh Pisgah, as hrog eh shiaght altaryn, as heb eh dow as rea er dagh altar.

Earrooyn 23:30

As ren Balak myr va Balaam er ghra, as heb eh dow as rea er dagh altar.

Noo Ean 13:18

Cha vel mee loayrt j’iu ooilley; ta fys aym quoi ta mee er reih: agh dy vod y scriptyr ve cooilleenit, T’eshyn ta gee arran mârym, er hroggal e voyn m’oï.

Titus 1:16

T’ad goaill orroo dy vel tushtey oc dy Yee; agh ayns nyn obbraghyn t’ad gobbal eh, feohdoil as mee-viallagh, as noi dy chooilley obbyr vie er nyn greoghey.

Joshua 15:51

As Goshen, as Holon, as Giloh; un valley jeig, marish nyn maljyn-beggey: