2 Samuel 15:11 - Yn Vible Casherick 1775 1819

¹¹ As marish Absalom hie da cheead dooinney ass Jerusalem, v’er nyn guirrey; as hie ad shoh ayns ônid nyn gree, as cha row veg y toiggal oc jeh’n chooish.

2 Samuel 15:11 ပူးပေါင်းရင်းမြစ်များ

Genesis 20:5

Nagh dooyrt eshyn rhym; She my huyr ee? as dooyrt ish, dy jarroo ee-hene, She my vraar eh: ayns ônid my chree, as gyn-loghtynid my laueyn, ta mee er n’yannoo shoh.

Raaghyn Creeney 14:15

Ta’n ommydan credjal dy chooilley ockle: agh ta’n dooinney creeney jeeaghyn dy mie gys e immeeaght.

Raaghyn Creeney 22:3

Ta dooinney tastagh cronnaghey yn olk ro-laue, as shaghney eh: agh ta ny mee-cheeayllee roie er nyn gione, as t’ad seaghnit.

Noo Mian 10:16

Cur-my-ner ta mish dy choyrt shiu magh myr kirree mastey moddee-oaldey: Bee-jee er-y-fa shen tastagh myr ard-nieughyn, as ôney myr calmaneyn.

1 Samuel 22:15

Ren mee eisht briaght jeh Jee er e hon? dy row shen foddey voym. Ny lhig da’n ree cur nhee erbee gys lieh e harvaant, ny lieh ooilley thie my ayrey: son cha row fys ec dty harvaant er veg jeh ooilley shoh, ny sloo ny ny smoo.

1 Samuel 9:13

Cha leah’s hig shiu stiagh ’syn ard-valley yiow shiu eh chelleeragh, roish my jed eh seose gys yn ynnyd ard dy ee: son cha jean y pobble gee derrey hig eh, er-yn-oyr dy vel eh dy oltaghey’n oural, as eisht ta ny goaldee gee. Jean-jee siyr eisht; son mysh y traa shoh yiow shiu eh.