2 Samuel 15:10 - Yn Vible Casherick 1775 1819

¹⁰ Agh hug Absalom chaghteryn follit trooid ooilley tribeyn Israel, gra, Cha leah’s chlinnys shiu sheean y trumpet, eisht abbyr-jee, Ta Absalom reill ayns Hebron.

2 Samuel 15:10 ပူးပေါင်းရင်းမြစ်များ

2 Samuel 13:28

Nish va Absalom er churmal e harvaantyn, gra, Gow-jee tastey nish, tra vees cree Amnon gennal lesh feeyn, as tra jir-yms riu, Bwoaill-jee Amnon; eisht marr-jee eh; ny bee aggle erriu: nagh nee mish t’er n’oardaghey shiu? bee-jee creeoil, as prow-jee dunnal.

2 Samuel 14:30

Shen-y-fa dooyrt eh rish e harvaantyn, Jeeagh-jee, ta magher ec Joab er-gerrey da’n magher aym’s, as ta oarn echey ayn; immee-jee, as cur-jee aile ayn. As ren sharvaantyn Absalom soiaghey’n magher er aile.

2 Samuel 15:9

As dooyrt y ree rish, Immee royd ayns shee. Er shoh hrog eh er, as hie eh gys Hebron.

2 Samuel 19:10

As Absalom, ren shin y ooilaghey harrin, t’eh marroo ’sy chaggey: nish er-y-fa shen, kys te nagh vel shiu loayrt fockle mychione coyrt lhieu back y ree?

2 Samuel 2:1

As haink eh gy-kione lurg shoh, dy ren David briaght jeh’n Chiarn, gra, Jem seose gys veg jeh ard-valjyn Yudah? As dooyrt y Chiarn rish, Gow seose. As dooyrt David, Quoi jeh ny ard-valjyn? As dooyrt eh, Gys Hebron.

2 Samuel 2:11

(As y traa va David ny ree ayns Hebron harrish thie Yudah, va shiaght bleeaney as shey meeaghyn.)

2 Samuel 5:5

Ayns Hebron ren eh reill harrish Judah shiaght bleeaney as shey meeaghyn; as ayns Jerusalem ren eh reill three bleeaney jeig as feed harrish ooilley Israel as Judah.

1 Reeaghyn 1:11

Er-y-fa shen loayr Nathan rish Bath-sheba moir Solomon, gra, Nagh vel oo er chlashtyn dy vel Adonijah mac Haggith reill, as ta shoh ooilley gyn-yss da nyn jiarn David?

1 Reeaghyn 1:34

As lhig Zadok yn saggyrt as Nathan y phadeyr ooilaghey eh ayns shen ny ree er Israel: as sheid-jee yn trumpet, gra, Dy saue Jee ree Solomon.

2 Reeaghyn 9:13

Eisht ren ad siyr, as ghow dy chooilley ghooinney e gharmad, dy chur ad fo e chassyn er mullagh ny greeshyn, as heid ad lesh trumpetyn, gra, Ta Jehu yn ree.

1 Recortyssyn 11:3

Shen-y-fa haink ooilley shanstyr Israel gys y ree, gys Hebron, as ren David conaant roo, ayns Hebron, fenish y Chiarn, as ren ad David y ooilaghey ny ree harrish Israel, cordail rish goo’n Chiarn, liorish Samuel.

1 Recortyssyn 12:23

As shoh coontey ny sheshaghtyn va slane armit son y chaggey, as haink gys David gys Hebron, dy chaghlaa reeriaght Saul huggeysyn, cordail rish goo’n Chiarn.

1 Recortyssyn 12:38

Ooilley ny deiney caggee shoh, va aghtal ’sy vagher-caggee, haink ad lesh aigney creeoil gys Hebron, dy yannoo David ny ree harrish ooilley Israel: as va ooilley’n chooid elley jeh Israel myrgeddin jeh un chree dy yannoo David ny ree.