2 Samuel 14:7 - Yn Vible Casherick 1775 1819

⁷ As cur-my-ner, ta’n slane kynney er n’irree noi dty harvaant, as dooyrt ad, Livrey seose eshyn woaill e vraar, dy vod mayd y vioys echeysyn ’ghoaill, son bioys e vraarey hug eh gy-baase; as ver mayd yn eirey gy-kione myrgeddin: as myr shoh moghee ad my smarage t’er-mayrn, as cha vaag ad da my heshey edyr ennym ny sluight er y thalloo.

2 Samuel 14:7 ပူးပေါင်းရင်းမြစ်များ

Genesis 27:45

Derrey vees corree dty vraar er ny hyndaa ersooyl voïd; as dy jarrood eh ny t’ou er n’yannoo rish: eisht ver-yms fys, as ver-ym lhiam oo veih shen. Cre’n-fa veign er my roostey jeu nyn-neesht ayns un laa?

Genesis 4:14

Cur-my-ner, t’ou er my imman jiu veih eaghtyr y cheer shoh: as veih dty enish bee’m er my eiyrt, as bee’m er my yiooldey magh, as my wagaantagh er yn ooir: as hig eh gy-kione, dagh unnane nee m’y gheddyn magh, dy stroie eh mee.

2 Samuel 12:17

As haink shanstyr e hie huggey, dy hroggal eh veih’n thalloo: agh cha jinnagh eh girree, ny goaill beaghey mâroo.

2 Samuel 14:6

As va daa vac ec dty harvaant, as huitt ad magh ry-cheilley ’sy vagher, as cha row unnane dy scarrey ad, agh woaill y derrey yeh yn jeh elley, as varr eh eh.

2 Samuel 14:8

As dooyrt y ree rish y ven, Gow royd gys dty hie, as ver-yms order ayns dty chooish.

Earrooyn 35:19

Nee’n cooilleeneyder-folley hene cur y dunver dy baase: tra hig eh ny raad, ver eh dy baase eh.

Noo Mian 21:38

Agh tra honnick y tannys yn mac, dooyrt ad nyn mast’ oc hene, Shoh’n eirey, tar-jee, lhig dooin eh y varroo, as bee’n eiraght echey lhien hene.

Deuteronomy 25:6

As nee’n chied lhiannoo ver ee son y theihll, fo ennym yn braar ta marroo, cheet stiagh ’syn eiraght, nagh bee’n ennym echey caillit ayns Israel.