2 Samuel 14:32 - Yn Vible Casherick 1775 1819

³² As dreggyr Absalom Joab, Cur-my-ner hug mee fys ort, gra, Tar hym, dy gholl er chaghteraght dou gys y ree, as dy ghra rish, Cre’n-fa ta mee er jeet veih Geshur? veagh eh ny bare dou dy ve er vuirriaght raad va mee: nish, er-y-fa shen, lhig dou cheet fenish y ree; as my ta neu-chairys erbee aynym, lhig da goaill my vioys.

2 Samuel 14:32 ပူးပေါင်းရင်းမြစ်များ

Genesis 3:12

As dreggyr y dooinney, Yn ven hug uss dou dy ve mârym, hug ish dou jeh mess y villey, as ren mee gee.

2 Samuel 13:37

Agh chossyn Absalom roish, as hie eh gys Talmai, mac Ammihud, ree Yeshur. As va David ayns trimshey son e vac dy chooilley laa.

2 Samuel 14:31

Eisht hrog Joab er, as haink eh gys Absalom gys e hie, as dooyrt eh rish, Cre’n-fa ta dty harvaantyn er hoiaghey my vagher er aile?

2 Samuel 3:3

As yn nah er Chileab, rish Abigail va ben Nabal yn Carmelite; as yn trass Absalom, mac Maacah inneen Talmai ree Yeshur:

Psalmyn 36:2

Son t’eh brynneraght rish hene ayns e hilley hene: derrey vees e pheccah eajee er ny gheddyn magh.

Exodus 14:12

Nagh nee shoh myr dooyrt shin rhyt ayns Egypt, gra, Faag shin dy vod mayd shirveish ny Egyptianee? son veagh eh ny bare dooin dy hirveish ny Egyptianee, ny dooin dy gheddyn baase ’syn aasagh.

Exodus 16:3

As dooyrt cloan Israel roo, Dy baillish Jee, dy beagh shin er gheddyn baase liorish laue yn Chiarn ayns cheer Egypt, raad hoie shin liorish ny pooiyt-feill, as raad va nyn saie arran ain dy ee: son ta shiu er chur lhieu shin stiagh ’syn aasagh shoh, dy chur naardey yn slane cheshaght shoh lesh accryssyd.

Exodus 17:3

As va’n pobble miandagh son ushtey ayns shen; as loayr y pobble dy gyere noi Moses, as dooyrt ad, Cre’n-fa t’ou er choyrt lhiat shin ass Egypt; dy varroo shin hene as nyn gloan, as nyn maase lesh paays?

Raaghyn Creeney 28:13

Eh ta coodaghey e pheccaghyn cha jean eh bishaghey: agh quoi-erbee ghoys roo, as treigys ad, yiow eh myghin.

Jeremiah 8:12

Row nearey orroo tra v’ad er n’yannoo yn peccah dwoaiagh? beggan, cha ghow ad veg y nearey, chamoo ren ad jiargaghey: shen-y-fa nee ad tuittym ny mast’ oc shen huittys; tra hig-yms orroo ayns kerraghey, bee ad lhieggit gys yn ooir, ta’n Chiarn dy ghra.

Noo Mian 25:44

Eisht nee adsyn myrgeddin eh y reggyrt, gra, Hiarn, cuin honnick shin oo accryssagh, ny paagh, ny dty yoarree, ny rooisht, ny ching, ny ayns pryssoon, as nagh chooin shin lhiat?

Romanee 3:19

Nish ta fys ain cre-erbee ta’n leigh dy ghra, te dy ghra roosyn ta fo’n leigh: dy vod dagh beeal ve ny host, as dy vod ooilley’n seihll ve oolee fenish Yee.

1 Samuel 15:13

As haink Samuel gys Saul; as dooyrt Saul rish, Dy bannee’n Chiarn oo: ta mee er chooilleeney oardagh y Chiarn.

1 Samuel 20:8

Shen-y-fa nee oo dellal myr carrey rish dty harvaant; son t’ou er n’yannoo conaant fenish y Chiarn eddyr uss as dty harvaant: ny-yeih, my ta mee-chairys aynym, marr mee oo-hene; son cre’n-fa yinnagh oo m’y livrey gys dty ayr?