2 Samuel 14:30 - Yn Vible Casherick 1775 1819

³⁰ Shen-y-fa dooyrt eh rish e harvaantyn, Jeeagh-jee, ta magher ec Joab er-gerrey da’n magher aym’s, as ta oarn echey ayn; immee-jee, as cur-jee aile ayn. As ren sharvaantyn Absalom soiaghey’n magher er aile.

2 Samuel 14:30 ပူးပေါင်းရင်းမြစ်များ

2 Samuel 14:29

Shen-y-fa hug Absalom fys er Joab, dy choyrt eh er chaghteraght gys y ree; agh cha darragh eh huggey: as tra hug eh fys reesht y nah cheayrt, dob eh cheet.

2 Samuel 14:31

Eisht hrog Joab er, as haink eh gys Absalom gys e hie, as dooyrt eh rish, Cre’n-fa ta dty harvaantyn er hoiaghey my vagher er aile?

2 Samuel 18:14

Eisht dooyrt Joab, Cha nee red dooys my hraa y choayl myr shoh mayrt’s. As ghow eh three shleiyghyn ayns e laue, as roie eh ad trooid cree Absalom, choud’s v’eh foast bio ayns mean y villey.

2 Reeaghyn 9:33

As dooyrt eh, Ceau-jee sheese ee. Er shoh hilg ad sheese ee: as va paart jeh’n uill eck spreiht er y voalley, as er ny cabbil: as stamp ad ee fo-chosh.

Briwnyn 15:3

Er shoh smooinee Samson rish hene mychione oc, Cha vod ny Philistinee nish coyrt foill my lieh, ga dy jinnin’s assee dauesyn.