2 Samuel 14:3 - Yn Vible Casherick 1775 1819

³ As tar gys y ree, as loayr er yn aght shoh rish. Myr shoh hug Joab ro-ee cre yarragh ee.

2 Samuel 14:3 ပူးပေါင်းရင်းမြစ်များ

2 Samuel 14:19

As dooyrt y ree, Nagh vel laue Yoab mayrt ayns ooilley shoh? As dreggyr y ven, as dooyrt ee, Myr ta dt’annym bio, my hiarn, O ree, cha vod unnane erbee chyndaa gys y laue yesh ny gys y laue hoshtal veih nhee erbee dy vel my hiarn y ree er loayrt: son dty harvaant Joab hug orrym shoh ’yannoo, as eshyn hug ooilley ny goan shoh ayns beeal dty harvaant:

2 Samuel 14:4

As tra loayr y ven jeh Tekoah rish y ree, chroym ee e eddin gys y thalloo, as ren ee biallys, as dooyrt ee, Cooin lhiam, O ree.

Ezra 8:17

As hug mee ad lesh currym gys Iddo yn ard-er jeu ec Casiphia, as dinsh mee daue cre yiarragh ad rish Iddo, as rish e vraaraghyn, ny Nethinimee, ec Casiphia, ad dy choyrt lhieu hooin shirveishee, son thie yn Jee ain.

Exodus 4:15

As nee oo loayrt rishyn, as ver oo roish cre dy ghra: as beem’s marish dty veeal’s, as y beeal echeysyn, as ynsee-ym diu cre nee shiu y yannoo:

Isaiah 51:16

As ta mee er choyrt my ghoan ayns dty veeal, as er dty choodaghey ayns scadoo my laue, dy choamrey ny niaughyn, as dy hoiaghey undinyn y thallooin, as dy ghra rish Zion, Uss my phobble.

Isaiah 59:21

As er my hon hene, shoh my chonaant roosyn, ta’n Chiarn dy ghra; Yn Spyrryd aym’s ta ort’s, as my ghoan’s ta mee er choyrt ayns dty veeal, cha jean ad failleil veih dty veeal, ny veih beeal dty luight, ny veih beeal cloan dty chlienney, ta’n Chiarn dy ghra, veih maghey shoh as er son dy bragh.

Jeremiah 1:9

Eisht hug y Chiarn magh e laue, as venn eh rish my veeal, as dooyrt y Chiarn rhym, Cur-my-ner, ta mee er choyrt my ghoan ayns dty veeal.

Earrooyn 23:5

As hug y Chiarn fockle ayns beeal Valaam, as dooyrt eh, Chyndaa reesht gys Balak, as shoh myr nee oo loayrt.

Deuteronomy 18:18

As Phadeyr neem’s troggal seose daue veih mastey nyn mraaraghyn, casley rhyt’s, as ver-yms my ghoan ayns e veeal, as loayree eshyn roo ooilley neem’s y harey da.