2 Samuel 14:26 - Yn Vible Casherick 1775 1819

²⁶ As tra yiare eh folt e ching, (son ec kione dagh bleïn, son dy row eh trome er, shen-y-fa ghow eh jeh eh,) howse eh folt e ching ec daa cheead shekel, lurg towse y ree.

2 Samuel 14:26 ပူးပေါင်းရင်းမြစ်များ

Genesis 23:16

As va Abraham booiagh lesh ny dooyrt Ephron: as ren Abraham towse da Ephron yn argid v’eh er n’enmys ayns clashtyn mec Heth; kiare cheead shekel dy argid, yn argid va goll fud ny marchanyn.

2 Samuel 18:9

As haink Absalom raad sharvaantyn Ghavid: as varkee Absalom er mule, as hie’n mule fo banganyn choo billey mooar darragh, as va e chione goit ’sy villey, as v’eh croghey eddyr yn aer as y thalloo, as y mule v’eh dy varkiagh jimmee eh roish.

Isaiah 3:24

As hig eh gy-kione, ayns ynnyd soar millish, dy bee breinnid; as ayns ynnyd cryss aalin, frytlagyn; as ayns ynnyd folt soit magh dy stoamey, vees meaylid; as ayns ynnyd stomacher, aanrit-sack; as ayns ynnyd aalid eddin, lostey greïney.

Ezekiel 44:20

Chamoo nee ad baarey nyn ghing, ny lhiggey da nyn volt gaase liauyr, nee ad ynrycan baarey nyn volt.

Leviticus 19:36

Meihaghyn corrym, weightyn corrym, as siyn-towse kiart, vees eu: Mish y Chiarn y Jee eu, hug lhiam shiu magh as cheer Egypt.

1 Corinthianee 11:14

Nagh vel eer dooghys hene gynsaghey shiu, my ta dooinney ceau e olt gys lhiurid, te nearey da?