2 Samuel 14:17 - Yn Vible Casherick 1775 1819

¹⁷ Eisht dooyrt dty harvaant, Bee ansoor my hiarn y ree nish gerjoilagh: son myr ainle Yee, shen myr ta my hiarn y ree dy chur tastey dy vriwnys eddyr mie as sie; shen-y-fa bee’n Chiarn dty Yee mayrt.

2 Samuel 14:17 ပူးပေါင်းရင်းမြစ်များ

2 Samuel 14:18

Eisht dreggyr y ree as dooyrt eh rish y ven, Ny keill voym’s, ta mee guee ort, shen nee’m fênaght jeed. As dooyrt y ven, Lhig da my hiarn y ree nish loayrt.

2 Samuel 14:20

Dy choyrt lesh mygeayrt yn aght dorraghey shoh dy ghlare ta dty harvaant Joab er n’yannoo shoh: as ta my hiarn creeney, cordail rish creenaght ainle Yee, dy hoiggal dy chooilley nhee ’sy theihll.

2 Samuel 19:27

As t’eh er luney dty harvaant gys my hiarn y ree; agh ta my hiarn y ree myr ainle Yee: shen-y-fa jean shen ta mie ayns dty hilley.

2 Samuel 19:28

Son cha row ooilley thie m’ayrey agh deiney marroo kiongoyrt rish my hiarn y ree: ny-yeih hoie oo dty harvaant mastey goaldee dty voayrd hene. Cre’n chairys eisht t’aym’s dy yannoo aghin sodjey gys y ree?

1 Reeaghyn 3:28

As cheayll ooilley Israel jeh’n vriwnys va’n ree er choyrt; as v’ad arrymagh roish y ree: son honnick ad dy row creenaght Yee mârish, ayns jannoo briwnys.

1 Reeaghyn 3:9

Cur er-y-fa shen da dty harvaant cree tushtagh, dy vriwnys dty phobble, dy voddym cronnaghey eddyr mie as sie: son quoi ta abyl dy vriwnys ad shoh dty phobble ta cha earrooagh?

Lioar Yob 6:30

Vel camlaagys ayns my hengey? nagh vel my heaghyn sharroo gys my vlass?

Raaghyn Creeney 27:21

Myr ta’n pot-lheïee son argid, as y furnace son airh, myr shen ta dooinney er ny phrowal liorish y veeal brynneragh.

Raaghyn Creeney 29:5

Dooinney ta brynneraght rish e naboo, t’eh skeayley lieen son e chassyn.

Hebrewnee 5:14

Agh ta bee lajer cooie dauesyn t’ec slane eash, dy jarroo dauesyn ta liorish cliaghtey er gheddyn keeayl as tushtey dy vriwnys eddyr mie as sie.

Joshua 1:17

Myr hug shin biallys da Moses ayns dy chooilley nhee, myr shen nee mayd geaishtagh rhyt’s: as dy row yn Chiarn dty Yee mayrt, myr v’eh marish Moses.

1 Samuel 29:9

As dreggyr Achish as dooyrt eh rish David, Ta fys aym dy vel oo mie ayns my hilley, myr ainle Yee: ny-yeih, ta princeyn ny Philistinee er ghra, Cha jean mie da goll mârin gys y chaggey.