2 Samuel 14:14 - Yn Vible Casherick 1775 1819

¹⁴ Son shegin dooin ooilley baase gheddyn, as ta shin myr ushtey deayrtit er y thalloo, nagh vod ve troggit reesht: chamoo ta Jee jannoo soiagh jeh persoon erbee; foast t’eh er n’oardaghey saase ’sy leigh, son coyrt lesh thie eshyn ta eiyrit magh veih e heer hene.

2 Samuel 14:14 ပူးပေါင်းရင်းမြစ်များ

2 Samuel 11:25

Eisht dooyrt David rish y chaghter, Myr shoh nee oo gra rish Joab, Ny lhaggee dty laue son shoh; son ta’n cliwe stroie fer chammah’s fer elley: niartee dty laue ny s’troshey noi’n ard-valley, as stroie eh; as cur eh ayns cree.

2 Samuel 14:15

Nish er-y-fa shen dy vel mee er jeet dy loayrt mychione y chooish shoh rish my hiarn y ree, te er-yn-oyr dy vel y pobble er choyrt mee ayns aggle: as dooyrt dty harvaant, Loayr-yms nish rish y ree; foddee dy gooilleen y ree aghin e harvaant.

1 Reeaghyn 11:39

As son shoh nee’m seaghney sluight Ghavid, agh cha nee son dy bragh.

Lioar Yob 14:14

My yiow dooinney baase, nee eh aa-vioghey: ooilley laghyn my hraa ta kiarit dou, nee’m farkiaght derrey hig my chaghlaa.

Lioar Yob 30:23

Son ta fys aym dy der oo lhiat mee gys stayd ny merriu, gys y thie shen ta kiarit son ooilley ny bioee.

Lioar Yob 34:15

Ragh dy chooilley chretoor naardey cooidjagh, as yinnagh dooinney reesht chyndaa gys joan.

Lioar Yob 34:19

Cre-woad sloo rishyn nagh vel soiaghey jeh persoonyn princeyn, ny cur geill da’n verchagh veg smoo na da’n voght? son t’ad ooilley obbyr e laueyn.

Psalmyn 22:14

Ta mee deayrtit magh myr ushtey, as ta ooilley my chraueyn ass ynnyd: ta my chree neesht ayns mean my chorp eer myr kere ta lheïe.

Psalmyn 22:15

Ta my niart chyrmit seose myr peesh dy haagh-craie, as ta my hengey lhiantyn gys my ghruntyn: as ver uss lhiat mee gys joan y vaaish.

Psalmyn 58:7

Lhig daue lheïe ersooyl myr crammag, as ve goll-rish mess ben ta er jeet roish y traa: as ny lhig daue fakin y ghrian.

Psalmyn 77:8

Vel e vyghin dy slane er n’immeeaght son dy bragh: as vel e yialdyn er jeet dy bollagh gys jerrey brâ?

Psalmyn 79:3

Yn uill oc t’ad er gheayrtey myr ushtey er dy chooilley heu dy Yerusalem: as cha row dooinney erbee dy oanluckey ad.

Psalmyn 90:10

Ta laghyn yn eash ain three-feed bleïn as jeih: as ga dy vod deiney ’ve cha lajer as dy roshtyn kiare-feed bleïn; ny-yeih cha vel y troshid oc eisht agh deinys as trimshey; cha leah shen te er n’gholl shaghey, as ta shin goit jeh.

Psalmyn 90:3

T’ou chyndaa dooinney gys toyrt-mow: reesht t’ou gra, Tar-jee reesht, shiuish chloan gheiney:

Exodus 21:13

As mannagh vel dooinney lhie farkiagh cooyl-chlea dy varroo fer elley, agh dy nee Jee t’er leeideil eh ny raad; neem’s eisht boayl y phointeil dhyt dasyn dy roie er-chea huggey.

Ecclesiastes 9:5

Son ta fys ec ny bioee dy vow ad baase; agh cha vel fys ec y varroo er nhee erbee, chamoo ta leagh sodjey oc, son ta’n imraa oc jarroodit.

Dobberan 3:31

Son cha jean y Chiarn tilgey jeh son dy bragh.

Ezekiel 18:23

Vel taitnys erbee aym’s ayns baase y drogh-yantagh? ta’n Chiarn Jee dy ghra: agh dy jinnagh eh chyndaa veih eh raaidyn, as ve bio?

Leviticus 26:40

My nee ad goaill-rish nyn beccaghyn, as peccaghyn nyn ayraghyn, marish ny loghtyn t’ad er n’yannoo m’oï, as myrgeddin dy vel ad er n’irree magh m’oï;

Earrooyn 35:15

Bee ny shey ard-valjyn shoh son sauchys, chammah da cloan Israel, as da’n joarree, as son y troailtagh ta cummal ny mast’ oc: dy vod dagh unnane, ta marroo persoon erbee ayns marranys, chea gys shen.

Earrooyn 35:25

As nee’n whaiyl livrey yn marrooder veih laue yn cooilleeneyder-folley, as ver ad reesht eh gys ard-valley e hauchys, raad v’eh er-chea: as nee eh tannaghtyn ayn, derrey baase yn ard-saggyrt, va er ny ooilaghey lesh yn ooil casherick.

Earrooyn 35:28

Son dy lhisagh eh ve er hannaghtyn ayns ard-valley e hauchys, derrey baase yn ard-saggyrt: agh lurg baase yn ard-saggyrt, hig y marrooder reesht gys cheer e chummal hene.

Noo Mian 22:16

As hug ad magh huggey shiartanse jeusyn v’ad-hene er n’ynsaghey marish ny Herodianee, gra, Vainshter, ta fys ain dy vel oo firrinagh, as dy vel oo gynsaghey raad Yee ’syn ynrickys, chamoo t’ou ayns aggle roish dooinney erbee: son cha vel oo soiaghey jeh persoon deiney.

Jannoo 10:34

Eisht doshil Peddyr e veeal, as dooyrt eh, Ayns firrinys ta mee cur tastey nagh vel Jee soiaghey jeh persoonyn:

Romanee 2:11

Son cha vel Jee jannoo soiaghey jeh persoonyn.

Deuteronomy 10:17

Son ta’n Chiarn y Jee eu Jee dy yeeghyn, as Chiarn dy hiarnyn, Jee pooaral, niartal, as atchimagh, nagh vel jannoo soiagh jeh persoonyn, ny goaill leagh.

Hebrewnee 9:27

As ’naght myr te er ny phointeil da deiney dy gheddyn baase un cheayrt, agh lurg shoh yn vriwnys:

1 Peddyr 1:17

As my ta shiu genmys eshyn nyn Ayr, ta fegooish jannoo soiagh jeh persoonyn, briwnys cordail rish obbyr dy chooilley ghooinney, ceau-jee earish nyn droailtys ayns shoh ayns aggle: