2 Samuel 14:12 - Yn Vible Casherick 1775 1819

¹² Eisht dooyrt y ven, Lhig da dty harvaant, ta mee guee ort, loayrt un ockle sodjey rish my hiarn y ree. As dooyrt eshyn, Gow lesh.

2 Samuel 14:12 ပူးပေါင်းရင်းမြစ်များ

Genesis 18:27

As dreggyr Abraham, as dooyrt eh, cur-my-ner nish, ta mee er ghoaill orrym dy loayrt rish y Chiarn, mish nagh vel agh joan as leoie.

Genesis 18:32

As dooyrt eh, O ny lhig da’n Chiarn ve corree, as cha loayr-ym agh yn un cheayrt shoh: Abbyr dy bee jeih er ny gheddyn ayn, as dooyrt eh, Cha stroie-ym eh er graih yn jeih.

Genesis 44:18

Eisht haink Judah er-gerrey da, as dooyrt eh, O my hiarn, lhig ta dty harvaant, ta mee guee ort, fockle y loayrt ayns clashtyn my hiarn, as ny lhig da dty chorree lostey noi dty harvaant: son t’ou uss eer myr Pharaoh.

2 Samuel 14:11

Eisht dooyrt ish, Ta mee guee ort, lhig da’n ree cooinaghtyn er y Chiarn dty Yee, nagh surr oo ny cooilleeneyderyn-folley dy gholl er nyn doshiaght, nagh stroie ad my vac. As dooyrt eh, Myr ta’n Chiarn bio, cha duitt un renaig jeh kione dty vac gys y thalloo.

2 Samuel 14:13

As dooyrt y ven, Cre’n-fa eisht t’ou hene er lhiggey da lheid y smooinaght goaill raad noi pobble Yee? son ta’n briwnys shoh jannoo’n ree hene foiljagh, fakin nagh vel y ree coyrt lesh thie eshyn ta ass e heer hene.

2 Samuel 20:17

As tra v’eh er jeet er-gerrey, dooyrt y ven, Nee uss Joab? As dreggyr eh, Mish eh Eisht dooyrt ee rish, Eaisht rish goan dty harvaant. As dreggyr eh, Ta mee geaishtagh.

1 Reeaghyn 2:14

Dooyrt eh marish shen, Ta red ennagh aym dy ghra rhyt. As dooyrt ish, Abbyr eh.

Jeremiah 12:1

Ynrick t’ou uss, O Hiarn, tra ta mee arganey rhyt; ny-yeih lhig dou loayrt rhyt mychione dty vriwnyssyn: Cre’n-fa ta stayd ny mee-chrauee bishaghey? cre’n-fa ta ooilley ny ard-volteyryn as ad maynrey?

Jannoo 26:1

Eisht dooyrt Agrippa rish Paul, Ta kied ayd loayrt er dty hon hene. Eisht heeyn Paul magh e laue, as dansoor eh er e hon hene,

1 Samuel 25:24

As huitt ee ec e chassyn, as dooyrt ee, Orrym’s, my hiarn, orrym’s lhig da kerraghey yn aggair shoh tuittym; as lhig da dty harvaant, ta mee guee ort, loayrt ayns dty chlashtyn, as eaisht rish goan dty harvaant.