2 Samuel 14:1 - Yn Vible Casherick 1775 1819

¹ Nish ghow Joab mac Zeruiah tastey dy row cree y ree meiyghey gys Absalom.

2 Samuel 14:1 ပူးပေါင်းရင်းမြစ်များ

2 Samuel 13:39

As va foddeeaght er annym Ghavid dy akin Absalom: son va e hrimshey harrish son Amnon, fakin dy row eh marroo.

2 Samuel 14:2

As hug Joab fys gys Tekoah, as hug eh lesh veih shen ben chreeney, as dooyrt eh r’ee, Ta mee guee ort, lhig ort dy vel oo ayns trimshey, as cur ort nish coamrey dobberan, as ny jean oo-hene y ooilaghey, agh ymmyrk oo-hene myr ben ta er ve foddey dobberan son y varroo;

2 Samuel 18:33

As va’n ree erskyn-towse seaghnit, as hie eh seose gys e hiamyr harrish y yiat, as cheayn eh; as myr v’eh goll, shoh myr dooyrt eh, O my vac Absalom! my vac, my vac Absalom! dy baillish Jee dy beign’s er gheddyn baase er dty hon, O Absalom, my vac, my vac!

2 Samuel 19:2

As va’n varriaght er y laa shen er ny hyndaa gys trimshey da ooilley’n pobble: son cheayll ad er y laa shen kys va’n ree seaghnit son e vac.

2 Samuel 19:4

Agh choodee’n ree e eddin, as dyllee eh lesh coraa ard, O my vac Absalom! O Absalom, my vac, my vac!

2 Samuel 2:18

As va three jeh mec Zeruiah ayns shen, Joab, as Abishai, as Asahel: as va Asahel coshee cha skibbylt as feeaïh ’sy vagher.

1 Recortyssyn 2:16

Ny shayraghyn oc va Zeruiah as Abigail. As mec Zeruiah; Abishai, as Joab, as Asahel, three.

Raaghyn Creeney 29:26

Ta ymmodee shirrey foayr y fer-reill; agh ta briwnys dy chooilley ghooinney cheet veih’n Chiarn.