2 Samuel 13:39 - Yn Vible Casherick 1775 1819

³⁹ As va foddeeaght er annym Ghavid dy akin Absalom: son va e hrimshey harrish son Amnon, fakin dy row eh marroo.

2 Samuel 13:39 ပူးပေါင်းရင်းမြစ်များ

Genesis 24:67

As hug Isaac lesh ee gys cabbane Sarah e voir, as ghow eh Rebekah, as v’ee yn ven echey; as v’eh graihagh urree: as va Isaac er ny gherjaghey lurg baase e vayrey.

Genesis 31:30

As nish, ga dy r’ou shleeuit er goll royd, er-yn-oyr dy row foddeeaght jeean ort lurg thie dty ayrey, ny-yeih cre’n-fa t’ou er gheid ny jeeghyn aym.

Genesis 37:35

As dirree ooilley e vec, as ooilley e inneenyn dy gherjaghey eh; agh dob eh dy ve er ny gherjaghey: as dooyrt eh; Son hem’s sheese ’syn oaie gys my vac, lesh trimshey. Shoh myr ren e ayr dobberan er e hon.

Genesis 38:12

As lurg earish, hooar inneen Shuah ben Yudah baase: as lurg da Judah ve er ny gherjaghey, hie eh seose gys lommyrtee ny geyrragh gys Timnath, eh-hene as e charrey Hirah yn Adullamite.

2 Samuel 14:1

Nish ghow Joab mac Zeruiah tastey dy row cree y ree meiyghey gys Absalom.

Psalmyn 119:20

Ta m’annym brishey magh son y ghraih feer jeean: t’eck dy kinjagh gys dt’oardaghyn.

Psalmyn 84:2

Ta m’annym geearree as goaill foddeeaght dy gholl stiagh ayns cooyrtyn y Chiarn: ta my chree as m’eill goaill boggey ayns y Jee bio.

Deuteronomy 28:32

Bee dty vec, as dt’inneenyn er nyn goyrt da pobble joarree, as faillee dty hooillyn, lesh jeeaghyn, as lesh goaill foddeeaght nyn yeï fey-ny-laa: as cha bee niart erbee ayns dty laue.

Philippianee 2:26

Son ghow eshyn foddiaght ny yeï eu ooilley, as v’eh lane dy hrimshey, er-yn-oyr dy row clashtyn eu dy row eh er ny ve ching.