2 Samuel 13:3 - Yn Vible Casherick 1775 1819

³ Agh va carrey ec Amnon, va’n ennym echey Jonadab, mac Shimeah, braar Ghavid: as va Jonadab dooinney feer chroutagh.

2 Samuel 13:3 ပူးပေါင်းရင်းမြစ်များ

Genesis 3:1

Nish va’n ard-nieu ny s’croutagh na ooilley cretooryn y vagher va’n Chiarn Jee er chroo: as dooyrt eh rish y ven, Nee son dy vel Jee er ghra, Cha negin diu gee jeh dy chooilley villey ’sy gharey?

Genesis 38:1

As haink eh gy-kione, ec y traa shen, dy jagh Judah sheese veih e vraaraghyn, as hyndaa eh dy yeeaghyn Adullamite dy row, va’n ennym echey Hirah.

Genesis 38:20

As hug Judah yn mannan, liorish laue e charrey yn Adullamite, dy eaysley e yioal veih laue yn ven: agh cha row ee ry-gheddyn.

2 Samuel 13:2

As va Amnon cha seaghnit shen, dy huitt eh ching er graih e huyr Tamar; son myr v’ee ny moidyn heill Amnon dy row eh red doillee da dy gheddyn e aigney urree.

2 Samuel 13:32

As loayr Jonadab mac Shimeah, braar Ghavid, as dooyrt eh, Ny lhig da my hiarn smooinaghtyn dy vel ad er varroo ny deiney aegey, mec y ree; son Amnon ny-lomarcan ta marroo: son va shoh ayns cree Absalom dy yannoo, er-dyn laa ghow eh e huyr Tamar er-êgin.

2 Samuel 13:4

As dooyrt eh rish, Cre’n-oyr t’ou uss, ta mac y ree, shymley myr shoh veih laa gy laa? nagh n’insh oo dou? As dooyrt Amnon rish, Ta mee ayns graih rish Tamar, shuyr my vraar Absalom.

2 Samuel 14:2

As hug Joab fys gys Tekoah, as hug eh lesh veih shen ben chreeney, as dooyrt eh r’ee, Ta mee guee ort, lhig ort dy vel oo ayns trimshey, as cur ort nish coamrey dobberan, as ny jean oo-hene y ooilaghey, agh ymmyrk oo-hene myr ben ta er ve foddey dobberan son y varroo;

2 Samuel 21:21

As tra v’eh shoh er choyrt y-lane fo Israel, varr Jonathan, mac Shimea, braar Ghavid eh.

1 Recortyssyn 2:13

As hooar Jesse e vac shinney Eliab, as Abinadab y nah er, as Shimma yn trass,

1 Recortyssyn 27:32

Va Jonathan, naim Ghavid neesht, ny er-coyrlee, dooinney creeney, as scrudeyr; as Jehiel mac Hachmoni, va fer-ynsee mec y ree.

Esther 5:10

Ny-yeih, chum Haman er hene, as tra haink eh thie, hug eh fys er e chaarjyn, as Zeresh e ven.

Esther 5:14

Eisht dooyrt Zeresh e ven, as ooilley e chaarjyn rish, Lhig da criy ve troggit jeih cubityn as da-eed er yrjid, as mairagh loayr uss rish y ree, son Mordecai dy ve croghit er: eisht immee uss dy gennal marish y ree gys y yien. As by-laik lesh Haman y choyrle shoh, as doardee eh criy dy ve jeant.

Esther 6:13

As dinsh Haman da Zeresh e ven, as da ooilley e chaarjyn, dy chooilley nhee v’er daghyrt da. Eisht dooyrt e gheiney creeney, as Zeresh e ven, rish, My ta Mordecai jeh sluight ny Hewnyn, roishyn t’ou er n’yannoo toshiaght dy huittym, cha vod oo cosney er, agh tuittee oo son shickyrys fosyn.

Raaghyn Creeney 19:6

Nee ymmodee shirrey foayr y ree, as ta dy chooilley ghooinney ny charrey dasyn chebbys giootyn.

Jeremiah 4:22

Son ta my phobble ommijagh, cha vel ad er chur enney orrym’s; t’ad cloan vee-cheeayllagh, as cha vel veg y toiggal oc: ta keeayll oc dy yannoo olk, agh dy yannoo mie cha vel oc veg y tushtey.

1 Corinthianee 3:19

Son ta creenaght y theihll shoh ommijys marish Jee: son te scruit, T’eh goaill yn vooinjer chreeney ayns y chroutys oc hene.

Jamys 3:15

Cha vel y chreenaght shoh cheet neose veih’n yrjey, agh te thallooinagh, beishtagh, niurinagh.

Briwnyn 14:20

Agh va ben Samson er ny choyrt da e heshey, v’eh er ghoaill myr e charrey.

1 Samuel 16:11

As dooyrt Samuel rish Jesse, Nee ad shoh ooilley dty chloan? As dooyrt eh, Ta foast fer saa n’ad shoh, as cur-my-ner, t’eh bochillagh ny kirree. As dooyrt Samuel rish Jesse, Cur fys er e hon: son cha soie mayd gys y voayrd derrey hig eh.

1 Samuel 16:9

Eisht hug Jesse er Shammah dy gholl shaghey. As dooyrt eh, Chamoo ta’n Chiarn er reih eh shoh.