2 Samuel 13:29 - Yn Vible Casherick 1775 1819

²⁹ As ren sharvaantyn Absalom rish Amnon myr va Absalom er harey ad. Eisht hrog ooilley mec y ree orroo, as varkee dy chooilley ghooinney e vule, as chossyn ad roue.

2 Samuel 13:29 ပူးပေါင်းရင်းမြစ်များ

Genesis 36:24

As ad shoh cloan Zibeon; chammah Ajah as Anah: shoh yn Anah shen hooar magh ny muleyn ’syn aasagh, myr v’eh goaill kiarail jeh assylyn Zibeon e ayr.

2 Samuel 12:10

Son yn oyr shoh, lhiannys y cliwe dy bragh gys dty hie; er-y-fa dy vel oo er hoiaghey beg jeem’s, as er n’ghoaill ben Uriah yn Hittite dy ve son ben dhyt hene.

2 Samuel 13:30

As haink eh gy-kione, myr v’ad foast er y raad, dy daink naightyn gys David, gra, Ta Absalom er varroo ooilley mec y ree, as cha vel fer jeu faagit.

2 Samuel 14:6

As va daa vac ec dty harvaant, as huitt ad magh ry-cheilley ’sy vagher, as cha row unnane dy scarrey ad, agh woaill y derrey yeh yn jeh elley, as varr eh eh.

2 Samuel 18:9

As haink Absalom raad sharvaantyn Ghavid: as varkee Absalom er mule, as hie’n mule fo banganyn choo billey mooar darragh, as va e chione goit ’sy villey, as v’eh croghey eddyr yn aer as y thalloo, as y mule v’eh dy varkiagh jimmee eh roish.

1 Reeaghyn 1:33

Dooyrt y ree myrgeddin roo, Gow-jee mêriu sharvaantyn nyn jiarn, as cur-jee er Solomon my vac dy varkiagh er my vule hene, as cur-jee lhieu eh sheese gys Gihon.

1 Reeaghyn 1:38

Myr shen Zadok yn saggyrt, as Nathan y phadeyr, as Benaiah mac Jehoiada, as ny Cherethiteyn, as ny Pelethiteyn, hie ad sheese, as hug ad er Solomon dy varkiagh er mule ree David, as hug ad lhieu eh gys Gihon.

Raaghyn Creeney 29:12

My ta fer-reill cur cleaysh da breagyn, bee ooilley e harvaantyn olk.

Leviticus 19:19

Nee shiu freaylley my lattyssyn: cha lhig oo da dty ollagh gientyn rish maase jeh dooghys elley: cha jean oo cuirr dty halloo lesh caghlaa rass fud-y-cheilley: cha jean oo ceau garmad dy linsee-woolsee.

Micah 7:3

Dy vod ad dy jeean cur-rish olk, lesh nyn ghaa laue: ta’n prince geearree leagh, as yn briw shirrey sollaghey-laue: as ta’n dooinney pooaral fockley-magh olkys e annym: shen myr t’ad cassey cairys.