2 Samuel 13:28 - Yn Vible Casherick 1775 1819

²⁸ Nish va Absalom er churmal e harvaantyn, gra, Gow-jee tastey nish, tra vees cree Amnon gennal lesh feeyn, as tra jir-yms riu, Bwoaill-jee Amnon; eisht marr-jee eh; ny bee aggle erriu: nagh nee mish t’er n’oardaghey shiu? bee-jee creeoil, as prow-jee dunnal.

2 Samuel 13:28 ပူးပေါင်းရင်းမြစ်များ

Genesis 9:21

As diu eh jeh’n feeyn, as v’eh er-meshtey, as v’eh rooisht ayns e chabbane.

2 Samuel 11:13

As tra va David er chuirrey eh, ren eh gee as giu ayns e enish; as ren eh er-meshtey eh: as ec yn astyr hie eh magh dy lhie er e lhiabbee marish sharvaantyn e hiarn, agh cha jagh eh sheese gys e hie.

2 Samuel 11:15

As hug eh ayns y screeuyn, gra, Soie-jee Uriah ayns eer toshiaght ny rankyn, raad s’dewilley ta’n caggey, as tayrn-jee veih, dy vod eh tuittym, as geddyn baase.

2 Samuel 12:10

Son yn oyr shoh, lhiannys y cliwe dy bragh gys dty hie; er-y-fa dy vel oo er hoiaghey beg jeem’s, as er n’ghoaill ben Uriah yn Hittite dy ve son ben dhyt hene.

2 Samuel 13:27

Agh lhie Absalom er, dy lhig eh da Amnon, as ooilley mec y ree, goll mârish.

2 Samuel 14:6

As va daa vac ec dty harvaant, as huitt ad magh ry-cheilley ’sy vagher, as cha row unnane dy scarrey ad, agh woaill y derrey yeh yn jeh elley, as varr eh eh.

1 Reeaghyn 20:16

As hie ad magh er y vun-laa: agh va Ben-hadad giu eh-hene er-meshtey ayns ny cabbaneyn reeoil, eh-hene as ny reeaghyn, yn daa ree jeig as feed, ny fir-choonee echey.

Esther 1:10

Er y chiaghtoo laa, tra va cree yn ree gennal lesh feeyn, doardee eh Mehuman, Biztha, Harbona, Bigtha, as Abagtha, Zethar, as Carcas, ny shiaght ard fir-oik, va shirveish fenish Ahasuerus yn ree,

Psalmyn 104:15

Dy vod eh beaghey y chur lesh magh ass y thalloo, as feeyn ta gerjaghey cree dooinney: as ooil dy chur da eddin ghennal, as arran dy niartaghey cree dooinney.

Exodus 1:18

As hug ree Egypt fys er ny mraane-reaylt, as dooyrt eh roo, Cre’n-fa ta shiu er n’yannoo myr shoh, as er hauail bio ny lhiennoo-mec?

Ecclesiastes 10:19

Ta cuirraghyn jeant son gennallys, as ta feeyn jannoo gerjaghey’n chree: agh ta argid gansoor dy chooilley nhee.

Ecclesiastes 9:7

Immee royd, ee dty arran lesh boggey, as iu dty eeyn lesh cree gennal, son ta Jee nish jannoo soiagh jeh dty obbraghyn.

Daniel 5:30

’Syn oie cheddin va Belshazzar ree ny Caldeanee er ny varroo.

Nahum 1:10

Son choud as t’ad cast fud-y-cheilley myr ny drineyn, as nyn geeayl voue, myr deiney meshtal, bee ad stroit myr stubble slane creen

Noo Luke 21:34

As cur-jee twoaie diu hene, er-aggle ec traa erbee dy bee ny creeaghyn eu rouyr laadit lesh jooid as meshtyrys, as kiarailyn y vea shoh, as myr shoh yn laa shen dy heet erriu doaltattym.

Jannoo 5:29

Eisht dansoor Peddyr as ny ostyllyn elley, gra, S’cair dooin ve ny s’biallee da Jee na da deiney.

Joshua 1:9

Nagh nee mish t’er choyrt sarey dhyt? Bee dunnal as creeoil; ny bee aggle ort, chamoo bee mettey: son ta’n Chiarn dty Yee mayrt cre-erbee yn raad t’ou chyndaa.

Briwnyn 19:22

Nish myr v’ad jannoo mooar jeu hene, cur-my-ner, ren shiartanse jeh deiney’n valley, mec Velial, chionney mysh y thie, as woaill ad ’sy dorrys, as loayr ad rish y chenn ghooinney, mainshtyr y thie, gra, Cur magh hooin yn dooinney shen haink stiagh gys dty hie, dy vod enney ’ve ain er.

Briwnyn 19:6

As hoie ad sheese cooidjagh, as ren ad gee as giu: son va ayr y ven aeg er ghra rish y dooinney, Fuirree raad t’ou, ta mee guee ort, fud-ny-hoie, as lhig da dty chree ve gennal.

Briwnyn 19:9

As tra hrog y dooinney er dy gholl roish, eh-hene, as e cho-lhiabbagh, as e er-mooinjerey, dy dooyrt e ayr-’sy-leigh, ayr y ven aeg, rish, Cur-my-ner, te nish lesh yn astyr; ta mee guee ort fuirree fud-ny-hoie: t’ou fakin dy vel eh lesh yn anmys; gow aaght ayns shoh, dy vod dty chree ve gennal, as moghrey mairagh gow-jee er nyn yurnah, dy vod oo goll thie.

Ruth 3:7

As tra va Boaz er n’ee as er n’iu, as y cree echey gennal, hie eh dy lhie sheese ec kione y dash-arroo: as haink ee dy aashagh, as lhie ee sheese ec e chassyn.

1 Samuel 18:22

As hug Saul sarey da e harvaantyn, gra, Loayr-jee rish David dy follit, as abbyr-jee, Cur-my-ner, ta’n ree goaill taitnys aynyd, as shinney lesh ooilley e harvaantyn oo: nish er-y-fa shen, bee uss mac-’sy-leigh yn ree.

1 Samuel 28:10

As loo Saul jee liorish y Chiarn, gra, Myr ta’n Chiarn bio, cha jig kerraghey erbee ort ayns y chooish shoh.

1 Samuel 28:13

As dooyrt yn ree, Ny gow aggle: son cre honnick oo? As dooyrt y ven rish Saul, Honnick mee jeeghyn troggal ass yn ooir.