2 Samuel 13:23 - Yn Vible Casherick 1775 1819

²³ As shoh myr ve, ec kione daa vleïn, dy row lommyrtee-keyrragh ec Absalom ayns Baal-hazor, ta liorish Ephraim: as ren Absalom ooilley mec y ree y chuirrey.

2 Samuel 13:23 ပူးပေါင်းရင်းမြစ်များ

Genesis 31:19

As hie Laban dy lommyrt e chirree: as va Rachel er ghoaill ec e laue hene ny jallooyn va lesh yn ayr eck.

2 Samuel 13:24

As haink Absalom gys y ree, as dooyrt eh, Cur-my-ner nish, ta lommyrtee ec dty harvaant; lhig da’n ree, ta mee guee ort, as e harvaantyn, goll marish dty harvaant.

1 Reeaghyn 1:19

As t’eh er varroo ymmodee dew as muirht, as niart kirree, as t’eh er chuirrey ooilley mec y ree, as Abiathar yn saggyrt, as Joab captan y cheshaght-chaggee: agh Solomon dty harvaant cha vel eh er chuirrey.

1 Reeaghyn 1:25

Son t’eh er n’gholl sheese jiu, as er varroo ymmodee dew as muirht as niart kirree, as t’eh er chuirrey ooilley mec y ree, as captanyn yn armee, as Abiathar y saggyrt: as cur-my-ner t’ad gee as giu kiongoyrt rish, as gra, Dy saue Jee ree Adonijah.

1 Reeaghyn 1:9

As varr Adonijah kirree, as dew, as muirht, liorish creg Zoheleth, ta liorish Enrogel, as chuir eh ooilley e vraaraghyn mec y ree, as ooilley deiney Yudah sharvaantyn y ree.

2 Reeaghyn 3:4

As va Mesha ree Voab dooinney mooar keyrragh, as deeck eh [myr keesh] da ree Israel keead thousane eayn, as keead thousane rea, marish yn ollan.

2 Recortyssyn 26:10

Hrog eh myrgeddin tooryn ’syn aasagh, as chleiy eh ymmodee chibbraghyn, son va mooarane maase echey, chammah ’sy cheer-injil, as ’sy cheer-rea: eirinnee neesht, as labreeyn gour ny biljyn-feeyney hoie eh ayns ny sleityn, as ayns Carmel: son va taitnys echey ayns obbyr thallooin.

Nehemiah 11:33

Hazor, Rama, Gittaim,

1 Samuel 25:2

Nish va dooinney ayns Maon, as e state-hallooin ayns Carmel; as va’n dooinney feer verchagh, son va echey three thousaneyn dy chirree, as thousane goayr: as v’eh lommyrt e chirree ayns Carmel.

1 Samuel 25:36

As haink Abigail gys Nabal: as cur-my-ner, dreill eh gien ayns e hie myr gien reeoil; as va cree Nabal gennal, son v’eh feer veshtal: shen-y-fa cha dinsh ee veg da, ny sloo ny ny smoo, derrey’n voghrey.

1 Samuel 25:4

As cheayll David ’syn aasagh, dy row Nabal lommyrt e chirree.

1 Samuel 25:7

As nish ta mee er chlashtyn dy vel lommyrtee ayd: nish cha ren shin yn assee sloo da dty vochillyn, chamoo va veg y choayl oc, ooilley’n traa v’ad liorin ayns Carmel.