2 Samuel 13:22 - Yn Vible Casherick 1775 1819

²² As cha loayr Absalom rish e vraar Amnon edyr mie ny sie: son va dwoaie ec Absalom er Amnon, er-yn-oyr dy row eh er ghoaill e huyr Tamar er-êgin.

2 Samuel 13:22 ပူးပေါင်းရင်းမြစ်များ

Genesis 24:50

Eisht dreggyr Laban as Bethuel, as dooyrt ad, Ta’n chooish shoh veih’n Chiarn: cha vod mayd gra n’oï.

Genesis 31:24

As haink Jee gys Laban yn Syrian, ayns dreamal ’syn oie, as dooyrt eh rish, Jeeagh, nagh loayr oo rish Jacob edyr mie ny sie.

Genesis 31:29

Te ayns pooar my laue dy yannoo skielley dhyt: agh loayr Jee dt’ayrey rhym’s ’syn oie riyr, gra, Cur twoaie, nagh loayr oo rish Jacob edyr mie ny sie.

2 Samuel 13:21

Agh tra cheayll ree David jeh ooilley ny reddyn shoh, v’eh ayns ard yymmoose.

Raaghyn Creeney 10:18

Eshyn ta keiltyn myskid lesh meillyn breagagh, as eshyn ta cur scammylt er y hoshiaght, t’eh ny ommydan.

Raaghyn Creeney 25:9

Jean dty chooish y phleadeil rish dty naboo hene; as ny insh da fer elley shen ny ta eddyr shiu:

Raaghyn Creeney 26:24

Ta’n goanlyssagh brynneraght lesh e veillyn, as keiltyn e oalsaght cheu-sthie jeh;

Raaghyn Creeney 26:26

Eh ta keiltyn myskid lesh kialg, bee yn olkys echeysyn cronnit fenish yn slane theay.

Ecclesiastes 7:9

Ny cur raad da corree siyragh ayns dty chree: son ta corree tannaghtyn ayns cleeau yn ommydan.

Noo Mian 18:15

Myrgeddin my nee dty vraar aggair dhyt, immee as insh da e oill eddyr shiu hene nyn-lomarcan: my eaishtys eh rhyt, t’ou er chosney dty vraar.

Ephesianee 4:26

My hig corree erriu, ny jean-jee peccah. Ny lhig da’n ghrian lhie er y chorree eu:

Ephesianee 4:31

Lhig da dy chooilley roonid, as jymmoose, as farg, as beealeraght, as oltooan ve eebrit veue, marish dy chooilley ghoanlys.

1 Ean 2:11

Agh eshyn ta feoh echey er e vraar, t’eh ayns dorraghys, as shooyl ’sy dorraghys, as cha vel fys echey cre’n raad t’eh goll, son dy vel dorraghys er gholley e hooillyn.

1 Ean 2:9

Eshyn ta gra dy vel eh ’sy toilshey, as feoh echey er e vraar, t’eh dy jarroo foast ayns dorraghys.

1 Ean 3:10

Liorish shoh ta cloan Yee er nyn gronnaghey voish cloan y drogh-spyrryd: Quoi-erbee nagh vel jannoo cairys, cha vel eh jeh Jee, ny foast eshyn nagh nhynney lesh e vraar.

1 Ean 3:12

Cha nee myr va Cain, va jeh’n drogh-er shen, as varr e vraar: As cre’n-fa varr eh eh? Er-yn-oyr dy row ny obbraghyn echey hene olk, as obbraghyn e vraarey cairagh.

1 Ean 3:15

Quoi-erbee ta dwoaie echey er e vraar, t’eh ny ghunver: as ta fys eu nagh vel ec dunver erbee yn vea dy bragh farraghtyn tannaghtyn ayn.