2 Samuel 13:13 - Yn Vible Casherick 1775 1819

¹³ As er my hon’s, c’raad hem dy choodaghey my nearey? as er dty hon’s, bee oo myr fer jeh ny ommydanyn scammyltagh ayns Israel. Nish er-y-fa shen, ta mee guee ort, loayr rish y ree; son cha vreill eh mee voïd.

2 Samuel 13:13 ပူးပေါင်းရင်းမြစ်များ

Genesis 19:8

Cur-my-ner nish, ta daa inneen aym, nagh vel enney oc er dooinney, lhig dou, ta mee guee erriu, ad y choyrt lhiam magh hiu, as jean-jee roo myr sailliu hene: ynrycan rish ny deiney shoh ny jean-jee veg, son dy ghoaill aaght haink ad stiagh fo my chlea.

Genesis 20:12

As ny-yeih t’ee dy jarroo my huyr; son t’ee inneen my ayrey, agh cha nee inneen my vayrey: as haink ee dy ve my ven.

Deuteronomy 22:21

Eisht ver ad lhieu magh yn ven aeg gys dorrys thie e ayrey, as nee deiney’n ard-valley eck claghey gy-baase ee: son dy vel ee er n’yannoo ommijys ayns Israel, ayns jannoo streebeeys ayns thie e ayrey: myr shoh ver oo ersooyl olk veih ny mast’ eu.

Briwnyn 19:24

Cur-my-ner, ta my inneen ayns shoh, ny moidyn, as co-lhiabbagh y dooinney shoh; ad shoh ver-ym lhiam magh hiu nish, as gow-jee ad, as jean-jee roo myr sailliu: agh rish yn dooinney shoh, ny jean-jee lheid y peccah feohdagh.