2 Samuel 12:9 - Yn Vible Casherick 1775 1819

⁹ Cre’n-fa t’ou er hoiaghey beg jeh anney’n Chiarn, dy yannoo olk ayns e hilley? T’ou er varroo Uriah yn Hittite lesh y chliwe, as er ghoaill y ven echey dy ve son ben dhyt hene, as t’ou er varroo eh lesh cliwe cloan Ammon.

2 Samuel 12:9 ပူးပေါင်းရင်းမြစ်များ

2 Samuel 11:4

As hug David chaghteryn, as hug ad lhieu ee, as haink ee stiagh huggey, as lhie eh mâree, (son v’ee er niee ee-hene,) as hyndaa ee thie.

2 Samuel 12:10

Son yn oyr shoh, lhiannys y cliwe dy bragh gys dty hie; er-y-fa dy vel oo er hoiaghey beg jeem’s, as er n’ghoaill ben Uriah yn Hittite dy ve son ben dhyt hene.

2 Samuel 16:7

As myr shoh loayr Shimei myr v’eh gweeaghyn, Magh lhiat, magh ass y cheer oo, uss ghooinney folley, as uss vac Velial:

1 Reeaghyn 15:5

Er-yn-oyr dy ren David shen ny va jeeragh ayns shilley’n Chiarn, as nagh hyndaa eh dy lhiattee veih nhee erbee dy doardee eh da ooilley laghyn e vea, agh ynrycan ayns cooish Uriah yn Hittite.

1 Reeaghyn 21:19

As nee uss loayrt rish, gra, Shoh myr ta’n Chiarn dy ghra, Vel oo er varroo, as myrgeddin er ghoaill possession? As nee uss loayrt rish, gra, Shoh myr ta’n Chiarn dy ghra, Ayns yn ynnyd raad ren moddee sliee fuill Naboth, nee moddee sliee yn uill ayd’s, eer dty uill’s.

2 Recortyssyn 33:6

As hug eh er e chloan dy gholl trooid yn aile, ayns coan mac Hinnom: myrgeddin hug eh geill da traaghyn, as deiyr eh er obbeeys, as chliaghtee eh buitcheraght, as ren eh dellal rish spyrrydyn faishnee, as rish fir-obbee: dobbree eh shen ny va olk ayns shilley yn Chiarn, dy vrasnaghey eh gys corree.

Psalmyn 51:14

Livrey mee veih loght-folley, O Yee, uss ta Jee my lhaynt: as nee my hengey arrane y ghoaill jeh dty chairys.

Psalmyn 51:16

Son cha vel oo shirrey oural, nonney yinnin dhyt eh: cha vel taitnys ayd ayns chebballyn-losht.

Psalmyn 51:4

Dt’oï’s dty-lomarcan ta mee er n’yannoo peccah, as er chur rish yn olk shoh ayns dty hilley: dy voddagh oo v’er dty heyrey ayns dty raa, as ynrick tra t’ou briwnys.

Psalmyn 90:8

T’ou er hoiaghey nyn ghrogh-yannoo kiongoyrt rhyt: as nyn beccaghyn follit ayns soilshey dt’eddin.

Raaghyn Creeney 14:2

Eh ta gimmeeaght ayns ynrickys, t’eh goaill aggle roish y Chiarn: agh t’eshyn ta camlaagagh ayns e raaidyn soiaghey beg jeh.

Isaiah 5:24

Shen-y-fa myr ta’n aile stroie yn stubble, as y lossey stroie yn coau, myr shen bee yn fraue oc myr loauid, as hed y blaa oc seose myr y joan; son dy vel ad er n’yiooldey rish leigh Chiarn ny flaunyssee, as dy vel ad er hoiaghey beg jeh goo Yee casherick Israel.

Jeremiah 18:10

My nee ad olk y yannoo ayns my hilley’s, nagh der ad biallys da my choraa, eisht bee my aigney er ny chaghlaa mychione dy bannaghtyn shen yiall mee daue.

Amos 2:4

Shoh myr ta’n Chiarn dy ghra, Son three ard-pheccaghyn Yudah, as son kiare cha jyndaa-ym ersooyl e cherraghey: er-yn-oyr dy ren ad beg y hoiaghey jeh leigh yn Chiarn, as nagh vel ad er vreayll e annaghyn, as hug nyn mreagyn ad er-shaghryn, as deiyr nyn ayraghyn da’n aght cheddin.

1 Samuel 15:19

Cre’n-fa eisht, nagh dug oo biallys da coraa yn Chiarn, agh roie oo er y spooilley, as ren oo olk ayns shilley’n Chiarn?

1 Samuel 15:23

Son ta mee-viallys myr y peccah dy obbeeys, as roonid myr yn ard-pheccah dy yalloonys. Er-yn-oyr dy vel uss er choyrt cooyl rish goo’n Chiarn, t’eshyn myrgeddin er choyrt cooyl rhyt’s, nagh bee dty reeriaght beayn.

1 Samuel 15:26

As dooyrt Samuel rish Saul, Cha jyndaa-ym mayrt: son t’ou er hoiaghey beg jeh goo’n Chiarn, as ta’n Chiarn er hilgey uss jeh veih ve ny ree harrish Israel.