2 Samuel 12:8 - Yn Vible Casherick 1775 1819

⁸ As hug mee dhyt thie dty vainshtyr, as mraane dty vainshtyr fo dty phooar, as hug mee dhyt thie Israel as Yudah; as my veggan lhiat shen, veign’s ny sodjey er choyrt dhyt lheid as lheid ny reddyn.

2 Samuel 12:8 ပူးပေါင်းရင်းမြစ်များ

2 Samuel 12:11

Myr shoh ta’n Chiarn gra, Cur-my-ner, neem’s olk y hroggal seose dt’oï ass dty hie hene, as goyms ersooyl dty vraane kiongoyrt rish dty hooillyn, as ver-ym ad da dty naboo, as nee eh lhie mâroo ayns shilley’n ghrian shoh.

2 Samuel 12:2

Va ec y dooinney berchagh ymmodee shioltaneyn as shellooyn:

2 Samuel 2:4

As haink deiney Yudah, as ayns shen ren ad David y ooilaghey ny ree harrish thie Yudah. As dinsh ad da David, gra, Dy nee deiney Yabesh-gilead ren Saul y oanluckey.

2 Samuel 5:5

Ayns Hebron ren eh reill harrish Judah shiaght bleeaney as shey meeaghyn; as ayns Jerusalem ren eh reill three bleeaney jeig as feed harrish ooilley Israel as Judah.

2 Samuel 7:19

As cha row shoh foast agh red fardalagh ayns dty hilley, O Hiarn Yee; son t’ou er loayrt myrgeddin jeh thie dty harvaant son earish foddey ry-heet. As vel shoh lurg cliaghtey deiney, O Hiarn Yee?

2 Samuel 9:7

As dooyrt David rish, Ny bee aggle ort: son neem’s dy firrinagh aigney-mie y yeeaghyn dhyt er graih dty ayr Jonathan, as ver-yms oo reesht ayns eiraght Saul dt’ayr; as bee oo my ghoaldagh kinjagh ec my voayrd hene.

1 Reeaghyn 2:22

As dreggyr ree Solomon, as dooyrt eh rish e voir, As kys te vel dy oo shirrey Abishag yn Shunammite da Adonijah? shir yn reeriaght da neesht; (son she eh my vraar shinney;) eer er y hon-syn, as er son Abiathar yn saggyrt, as er son Joab mac Zeruiah.

Psalmyn 84:11

Bare lhiam currym y dorrys y ve orrym ayns thie my Yee: na dy vaghey ayns cabbaneyn ny mee-chrauee.

Psalmyn 86:15

Agh t’ou uss, O Hiarn Yee, lane dy hymmey as dy vyghin: surranse-foddey, feoilt ayns mieys as firrinys.

Romanee 8:32

Eshyn nagh ren e Vac hene y haghney, agh livrey eh eh seose er nyn son ooilley, kys nagh der eshyn dooin myrgeddin dy arryltagh mârishyn dy chooilley nhee?

1 Samuel 15:19

Cre’n-fa eisht, nagh dug oo biallys da coraa yn Chiarn, agh roie oo er y spooilley, as ren oo olk ayns shilley’n Chiarn?