2 Samuel 12:7 - Yn Vible Casherick 1775 1819

⁷ As dooyrt Nathan rish David, Oo-hene y dooinney shen. Myr shoh ta’n Chiarn Jee Israel dy ghra, Ren mish uss y ooilaghey dy ve dty ree harrish Israel, as livrey mee oo veih laue Saul;

2 Samuel 12:7 ပူးပေါင်းရင်းမြစ်များ

2 Samuel 14:13

As dooyrt y ven, Cre’n-fa eisht t’ou hene er lhiggey da lheid y smooinaght goaill raad noi pobble Yee? son ta’n briwnys shoh jannoo’n ree hene foiljagh, fakin nagh vel y ree coyrt lesh thie eshyn ta ass e heer hene.

2 Samuel 22:1

As ghow David gys y Chiarn goan yn arrane-moyllee shoh, er y laa va’n Chiarn er livrey eh ass laue ooilley e noidyn, as veih laue Saul.

2 Samuel 22:49

As ta livrey mee veih my noidyn: t’ou myrgeddin er my hroggal seose dy ard er-nyn-skyn dirree seose m’oï: t’ou er my livrey veih’n dooinney tranlaasagh.

2 Samuel 7:8

Nish er-y-fa shen, myr shoh jir oo rish my harvaant David, Myr shoh ta’n Chiarn dy heshaght-flaunyss gra, Ghow mish oo veih ny bwoailtchyn keyrragh, veih goaill kiarail jeh ny kirree, dy ve fer-reill harrish my phobble Israel.

1 Reeaghyn 14:7

Immee royd, insh da Jeroboam, Shoh myr ta’n Chiarn Jee Israel gra, Son wheesh as dy hoie mee oo seose erskyn yn pobble, as dy ren mee oo dty phrince harrish my phobble Israel,

1 Reeaghyn 18:18

As dreggyr eh, Cha nee mish t’er voirey Israel; agh uss as thie dt’ayrey, ayns dy vel shiu er hreigeil saraghyn y Chiarn, as t’ou uss er n’eiyrt er Baalim.

1 Reeaghyn 20:40

As myr va dty harvaant preishal mysh obbyr elley, chossyn eh roish. As dooyrt ree Israel rish, Shen myr vees dty vriwnys; t’ou hene er reaghey.

1 Reeaghyn 20:42

As dooyrt eh rish, Shoh myr ta’n Chiarn dy ghra, Er-yn-oyr dy vel oo er lhiggey ass dty laue dooinney ren mee kiarail son slane toyrt-mow, shen-y-fa bee yn vioys ayd’s son y vioys echeysyn, as dty phobble son y pobble echeysyn.

Psalmyn 18:1

Ver-yms graih dhyt, O Hiarn, my niart; she’n Chiarn my chreg lajer, as m’endeilys: my Haualtagh, my Yee, as my hroshid, huggey ver-ym barrant; my eïlley-caggee, troshid myrgeddin my hauchys, as my chemmyrk.

Jeremiah 34:6

As loayr Jeremiah yn phadeyr ooilley ny goan shoh rish Zedekiah ree Yudah ayns Jerusalem,

Daniel 4:22

She uss eh, O ree, ta er n’aase, as er jeet dy ve niartal; son ta dty ooashley er vishaghey, as er roshtyn gys niau, as dty reiltys gys ardjyn sodjey magh y thallooin.

Noo Mian 14:14

As hie Yeesey magh, as honnick eh chaglym mooar dy leih, as v’eh er ny veiyghey lesh chymmey orroo, as laanee eh adsyn va ching.

1 Samuel 13:13

As dooyrt Samuel rish Saul, T’ou er n’yannoo dy ommijagh: cha vel oo er reayll yn sarey doardee’n Chiarn dty Yee dhyt; son nish veagh yn Chiarn er hickyraghey dty reeriaght ayns Israel son earishyn foddey beayn.

1 Samuel 15:17

As dooyrt Samuel, Tra v’ou imlee ayns dty hooillyn hene, nagh r’ou jeant yn ard-chaptan er tribeyn Israel, as ren y Chiarn uss y ooilaghey dy ve dty ree harrish Israel?

1 Samuel 16:13

Eisht ghow Samuel yn eairk dy ooil, as ren eh eh y ooilaghey er-lheh veih e vraaraghyn: as haink Spyrryd y Chiarn er David veih’n laa shen magh. Myr shen dirree Samuel, as hie eh gys Ramah.

1 Samuel 18:11

As hilg Saul y shleiy; son dooyrt eh, bwoaill-ym David lesh eer gys y voalley. As chossyn David ass e hilley daa cheayrt.

1 Samuel 18:21

As dooyrt Saul, Ver-yms ee da dy ve son ribbeh da, as dy vod laue ny Philistinee ve n’oï. Shen-y-fa dooyrt Saul rish David, Bee uss jiu my vac-’sy-leigh lesh unnane jeh’n jees.

1 Samuel 23:14

As ren David taaghey ny carrickyn lajer ’syn aasagh, as keiltyn eh-hene ayns slieau faasagh Ziph: as helg Saul eh dy chooilley laa; agh cha ren Jee eh y livrey gys e laue.

1 Samuel 23:7

As ve inshit da Saul dy row David er jeet gys Keilah: as dooyrt Saul, Ta Jee er livrey eh gys my laue; son t’eh jeight stiagh ayns balley lesh giattyn as boltyn.