2 Samuel 12:31 - Yn Vible Casherick 1775 1819

³¹ As hug eh lesh magh ny cummaltee v’ayn, as hug eh ad fo obbyr chreoi, lesh saaueyn, as lesh cleïn yiarn, as lesh teighyn yiarn, as dy gholl trooid obbyr yn aiee-vreek: as myr shoh ghell eh rish ooilley ard-valjyn cloan Ammon. Er shoh hyndaa David as ooilley’n pobble reesht gys Jerusalem.

2 Samuel 12:31 ပူးပေါင်းရင်းမြစ်များ

2 Samuel 8:2

As woaill eh Moab, as howse eh yn cheer oc lesh line, lhieggal ny ard-valjyn gys y thalloo: eer lesh daa line ren eh ad y rheynn son baase, as lesh un line slane son bioys: as shoh myr haink ny Moabiteyn dy ve fo reill Ghavid, as v’ad fo keesh.

1 Recortyssyn 20:2

As ghow David crown y ree oc jeh e chione, as hooar eh dy beeagh eh talent dy airh, as va claghyn costal ayn; as ve soit er kione Ghavid: hug eh lesh myrgeddin niart spooilley ass yn ard-valley.

1 Recortyssyn 20:3

As chur eh lesh magh y pobble v’ayn, as hug eh ad dy obbraghey dy creoi lesh saaueyn, as lesh cleïn yiarn, as lesh teighyn: er yn eer aght shoh ren David rish ooilley ny ard-valjyn cloan Ammon. As hyndaa David as ooilley’n pobble gys Jerusalem.

Jeremiah 43:9

Gow claghyn mooarey ayns dty laue, as follee ad fenish deiney Yudah ’sy chray ayns yn aiee-vreek, ta roish giat thie Pharaoh ayns Tahpanhes;

Amos 1:13

Shoh myr ta’n Chiarn dy ghra, Son three ard-pheccaghyn cloan Ammon, as son kiare cha jyndaa-ym ersooyl e cherraghey: er-yn-oyr dy vel ad er yiarey foshlit mraane torragh Ghilead, er-chee dy heeyney magh nyn ardjyn

Amos 1:14

As neem’s foaddey aile er voalley Rabbah, as nee eh stroie ny plaaseyn echey; lesh yllaghey er laa yn chaggey, lesh dorrin er laa yn gheay-chassee:

Amos 1:3

Shoh myr ta’n Chiarn dy ghra, Son three ard-pheccaghyn Ghamascus, as son kiare cha jyndaa-ym ersooyl e cherraghey: er-yn-oyr dy vel ad er woalley Gilead lesh soostyn yiarn.

Hebrewnee 11:37

V’ad er nyn glaghey, v’ad giarit veih-my-cheilley lesh saaueyn, v’ad miolit, v’ad er nyn goyrt dy baase lesh y chliwe: hie ad noon as noal ayns craitnyn keyrragh, as craitnyn goair, ayns êgin, ayns seaghyn, as torchaghyn:

Joshua 10:15

As hie Joshua reesht, as ooilley Israel mârish, gys y champ, gys Gilgal.