2 Samuel 12:20 - Yn Vible Casherick 1775 1819

²⁰ Eisht dirree David veih’n thalloo, as ren eh eh-hene y oonlaghey as y ooilaghey, as hug eh caghlaa coamrey er, as haink eh gys thie’n Chiarn as hug eh ooashley; eisht haink eh gys e hie hene, as ec e yeearree hoie ad beaghey roish, as ren eh gee.

2 Samuel 12:20 ပူးပေါင်းရင်းမြစ်များ

2 Samuel 12:19

As tra honnick David dy row e harvaantyn sonsheragh, hoig eh dy row’n lhiannoo marroo. Shen-y-fa dooyrt David rish e harvaantyn, Vel yn lhiannoo marroo? As dooyrt ad, T’eh marroo.

2 Samuel 12:21

Eisht dooyrt e harvaantyn rish, Cre shoh t’ou er n’yannoo? ren oo trostey as dobberan son y lhiannoo choud’s v’eh bio; agh tra va’n lhiannoo marroo, ren oo girree as goaill beaghey.

2 Samuel 14:2

As hug Joab fys gys Tekoah, as hug eh lesh veih shen ben chreeney, as dooyrt eh r’ee, Ta mee guee ort, lhig ort dy vel oo ayns trimshey, as cur ort nish coamrey dobberan, as ny jean oo-hene y ooilaghey, agh ymmyrk oo-hene myr ben ta er ve foddey dobberan son y varroo;

2 Samuel 19:24

As haink Mephibosheth mac Saul neose quail y ree, as cha row eh chamoo er niee e chassyn, ny er vaarey e aasaag, ny er chaghlaa e choamrey er-dyn laa hie’n ree roish derrey’n laa haink eh reesht ayns shee.

2 Samuel 6:17

As hug ad lhieu arg y Chiarn stiagh, as hoie ad eh ayns e ynnyd, ayns mean y chabbane-agglish va David er hroggal er y hon: as heb David ourallyn-losht as ourallyn-shee fenish y Chiarn.

2 Samuel 7:18

Eisht hie ree David stiagh, as hoie eh fenish y Chiarn, as dooyrt eh, Quoi mish, O Hiarn Yee? as cre ta my hie, dy vel oo er my hroggal gys shoh?

Lioar Yob 1:20

Er shoh dirree Job, as raip eh e choamrey, as ren eh e chione y vaarey, as huitt eh sheese er y thalloo, as hug eh ooashley,

Lioar Yob 2:10

Agh dooyrt eh r’ee, T’ou uss loayrt myr unnane jeh ny mraane mee-hushtagh. Cre shoh! jean mayd mie y ghoaill ec laue Yee, as nagh gow mayd rish seaghyn? Lesh ooilley shoh, cha daink drogh ockle ass beeal Yob.

Psalmyn 103:1

Bannee yn Chiarn, O m’annym: as ooilley ny ta cheu-sthie jee’m bannee e Ennym casherick.

Psalmyn 103:8

Ta’n Chiarn lane dy hymmey as dy vyghin: surranse-foddey, as jeh mieys vooar.

Psalmyn 39:9

Livrey mee veih ooilley my loghtyn: as ny lhig dou ’ve son craid da’n vooinjer vee-chrauee.

Psalmyn 95:6

O tar-jee, lhig dooin ooashley y choyrt, as tuittym sheese: as gliooney kiongoyrt rish y Chiarn y Fer ren shin.

Raaghyn Creeney 3:7

Ny bee creeney ayns dty hooillyn hene: gow aggle roish y Chiarn, as scarr rish yn olk.

Ecclesiastes 9:8

Lhig da dty gharmadyn ve kinjagh gial; as ny lhig da dty chione ve laccal ooil.

Noo Mian 6:17

Agh uss, tra t’ou trostey, jean dty chione y ooilaghey, as dty eddin y oonlaghey:

Noo Luke 7:46

My chione lesh ooil cha ren oo y ooilaghey: agh ta’n ven shoh er n’ooilaghey my chassyn lesh ooil.

Ruth 3:3

Niee oo-hene eisht, as jean oo-hene y ooilaghey, as cur ort dty gharmad share, as gow sheese gys y laare; agh ny jeeagh oo-hene da, derrey vees eh erreish gee as giu.

1 Samuel 15:25

Nish er-y-fa shen, ta mee guee ort, leih dou my pheccah, as chyndaa reesht mârym, dy voddym ooashley ’choyrt da’n Chiarn.

1 Samuel 15:31

Myr shen hyndaa Samuel reesht marish Saul, as hug Saul ooashley da’n Chiarn.