2 Samuel 12:10 - Yn Vible Casherick 1775 1819

¹⁰ Son yn oyr shoh, lhiannys y cliwe dy bragh gys dty hie; er-y-fa dy vel oo er hoiaghey beg jeem’s, as er n’ghoaill ben Uriah yn Hittite dy ve son ben dhyt hene.

2 Samuel 12:10 ပူးပေါင်းရင်းမြစ်များ

Genesis 20:3

Agh haink Jee gys Abimelech ayns ashlish ’syn oie, as dooyrt eh rish, Cur-my-ner, cha vel oo agh dooinney marroo, kyndagh rish y ven t’ou er ghoaill: son t’ee ben dooinney elley.

2 Samuel 18:33

As va’n ree erskyn-towse seaghnit, as hie eh seose gys e hiamyr harrish y yiat, as cheayn eh; as myr v’eh goll, shoh myr dooyrt eh, O my vac Absalom! my vac, my vac Absalom! dy baillish Jee dy beign’s er gheddyn baase er dty hon, O Absalom, my vac, my vac!

1 Reeaghyn 15:5

Er-yn-oyr dy ren David shen ny va jeeragh ayns shilley’n Chiarn, as nagh hyndaa eh dy lhiattee veih nhee erbee dy doardee eh da ooilley laghyn e vea, agh ynrycan ayns cooish Uriah yn Hittite.

Raaghyn Creeney 17:13

Quoi-erbee chooilleenys olk er son mie, nee’n olk lhiantyn gys e hie.

Amos 7:9

As bee ard-ynnydyn Isaac nyn draartys, as bee thieyn-sheaynt Israel er ny chur naardey; as nee’m brishey magh noi thie Yeroboam lesh y chliwe.

Earrooyn 11:20

Agh son slane mee, derrey hig eh magh er ny stroanyn eu, as dy bee eh feohdoil diu; son dy vel shiu er hoiaghey beg jeh’n Chiarn ta ny mast’ eu, as er cheayney kiongoyrt rish, gra, Cre’n-fa haink shin magh ass Egypt?

Noo Mian 26:52

Eisht dooyrt Yeesey rish, Cur seose dty chliwe reesht ’sy fine: son nee adsyn ooilley ta goaill y cliwe, cherraghtyn liorish y chliwe.

Noo Mian 6:24

Cha vod dooinney erbee daa vainshter y hirveish: son edyr ver eh dwoaie da’n derrey yeh, as graih da’n jeh elley; ny bee eh jeidjagh da’n derrey yeh, ny soiaghey beg jeh’n jeh elley. Cha vod shiu Jee as Mammon y hirveish.

Romanee 2:4

Ny vel oo soiaghey beg jeh berchys e vieys, as e veenid, as surranse-foddey, gyn toiggal dy vel mieys Yee dy dty leeideil gys arrys?

1 Thessalonianee 4:8

Eshyn er-y-fa shen ta soiaghey beg, cha vel eh soiaghey beg jeh dooinney, agh jeh Jee, ta myrgeddin er choyrt dooinyn e Spyrryd casherick.

1 Samuel 2:30

Shen-y-fa ta’n Chiarn, Jee Israel, gra, Dooyrt mee, dy jarroo, dy jinnagh dty hie’s, as thie dt’ayrey shirveish kiongoyrt rhym son dy bragh: agh nish ta’n Chiarn gra, Dy row shen foddey voym; son ver-yms ooashley dauesyn, ta coyrt ooashley dou as bee beg er ny hoiaghey jeusyn, ta soiaghey beg jeem’s.