2 Samuel 12:1 - Yn Vible Casherick 1775 1819

¹ As hug y Chiarn Nathan gys David, As haink eh huggey, as dooyrt eh rish, Va daa ghooinney ’syn un ard-valley; yn derrey yeh berchagh, as y jeh elley boght.

2 Samuel 12:1 ပူးပေါင်းရင်းမြစ်များ

2 Samuel 11:25

Eisht dooyrt David rish y chaghter, Myr shoh nee oo gra rish Joab, Ny lhaggee dty laue son shoh; son ta’n cliwe stroie fer chammah’s fer elley: niartee dty laue ny s’troshey noi’n ard-valley, as stroie eh; as cur eh ayns cree.

2 Samuel 12:2

Va ec y dooinney berchagh ymmodee shioltaneyn as shellooyn:

2 Samuel 14:14

Son shegin dooin ooilley baase gheddyn, as ta shin myr ushtey deayrtit er y thalloo, nagh vod ve troggit reesht: chamoo ta Jee jannoo soiagh jeh persoon erbee; foast t’eh er n’oardaghey saase ’sy leigh, son coyrt lesh thie eshyn ta eiyrit magh veih e heer hene.

2 Samuel 7:17

Cordail rish ooilley ny goan shoh, as cordail rish ooilley’n ashlish shoh, myr shoh loayr Nathan rish David,

1 Reeaghyn 1:8

Agh Zadok yn saggyrt, as Benaiah mac Jehoiada, as Nathan y phadeyr, as Shimei, as Rei, as ny ard-gheiney va lesh David, cha row ad lesh Adonijah.

1 Reeaghyn 13:1

As cur-my-ner, haink dooinney dy Yee veih Judah liorish goo’n Chiarn gys Beth-el: as hass Jeroboam liorish yn altar dy hebbal incense.

1 Reeaghyn 18:1

As haink eh gy-kione lurg ymmodee laghyn, dy daink goo’n Chiarn gys Elijah ’sy trass vleïn, gra, Immee as jeeagh oo-hene da Ahab; as ver-yms fliaghey er y thalloo.

1 Reeaghyn 21:18

Trog ort, immee sheese quail Ahab ree Israel, t’ayns Samaria: cur-my-ner, t’eh ayns garey-feeyney Naboth, raad t’eh er gholl sheese dy ghoaill possession jeh.

1 Reeaghyn 4:5

As va Azariah mac Nathan harrish ny fir-oik; as Zabud mac Nathan va’n ard fer-oik, as carrey’n ree;

2 Reeaghyn 1:3

As dooyrt ainle y Chiarn rish Elijah yn Tishbite, Trog ort, as gow sheese quail chaghteryn ree Samaria, as abbyr roo, Nee son nagh vel Jee ayns Israel, dy vel shiuish goll dy vriaght jeh Baal-zebub, jee Ekron?

1 Recortyssyn 29:29

Nish, obbraghyn Ghavid y ree, toshiaght as jerrey, cur-my-ner, t’ad scruit ayns lioar Samuel y fakyder, as ayns lioar Nathan y phadeyr, as ayns lioar Ghad y phadeyr.

Isaiah 39:3

Eisht haink Isaiah yn phadeyr gys ree Hezekiah, as dooyrt eh rish, Cre dooyrt ny deiney shoh? as cre veih haink ad hood’s? As dooyrt Hezekiah, T’ad er jeet hym veih cheer foddey, eer veih Babylon.