2 Samuel 11:27 - Yn Vible Casherick 1775 1819

²⁷ As tra va laghyn y dobberan ec kione, hug David fys, as hug eh lesh ee gys e hie hene, as haink ee dy ve e ven, as rug ee mac da. Agh va’n Chiarn jymmoosagh son shen ny va David er n’yannoo.

2 Samuel 11:27 ပူးပေါင်းရင်းမြစ်များ

Genesis 38:10

As hug shoh jymmoose er y Chiarn; shen-y-fa hug eh eshyn dy baase myrgeddin.

2 Samuel 12:9

Cre’n-fa t’ou er hoiaghey beg jeh anney’n Chiarn, dy yannoo olk ayns e hilley? T’ou er varroo Uriah yn Hittite lesh y chliwe, as er ghoaill y ven echey dy ve son ben dhyt hene, as t’ou er varroo eh lesh cliwe cloan Ammon.

2 Samuel 15:26

Agh my jir eh myr shoh, Cha vel taitnys erbee aym aynyd: cur-my-ner, ta mee ayns shoh, lhig da jannoo rhym myr ta mie ayns e hilley.

1 Reeaghyn 21:16

As haink eh gy-kione, tra cheayll Ahab dy row Naboth marroo, dy dirree Ahab dy gholl sheese gys garey-feeyney Naboth yn Jezreelite, dy ghoaill possession jeh.

1 Reeaghyn 21:20

As dooyrt Ahab rish Elijah, Vel oo er my gheddyn magh, O my noid? As dreggyr eh, Ta mee er gheddyn magh oo; er-yn-oyr dy vel oo er chreck oo-hene dy obbraghey olk ayns shilley’n Chiarn.

1 Recortyssyn 21:7

As kyndagh rish yn obbyr shoh va Jee er ny vrasnaghey; shen-y-fa woaill eh Israel.

Psalmyn 5:6

Nee uss adsyn y stroie ta loayrt breagyn: ver y Chiarn feoh chammah da’n dooinney folley as da’n er molteyragh.

Raaghyn Creeney 6:29

Myr shen eshyn ta jannoo peccah rish ben e naboo: quoi-erbee vennys r’ee cha bee eh gyn-loght.

Isaiah 29:15

Smerg dauesyn ta shirrey dy dowin dy cheiltyn y choyrle oc veih’n Chiarn, as ta ny obbraghyn oc jeant ’sy dorraghys, as t’ad gra, Quoi ta fakin shin? as quoi ta coyrt enney orrin?

Dobberan 3:36

Dy chassey dooinney ayns e chooish cha vel y Chiarn lowal jeh.

Noo Mian 1:6

As hooar Jesse David yn ree, as hooar David yn ree Solomon reeish v’er ny ve ben Urias.

Deuteronomy 22:29

Eisht eeckee yn dooinney ren lhie mâree, jeih shekelyn as da-eed dy argid da ayr y ven aeg, as bee ee son ben da, er-yn-oyr dy vel eh er n’injillaghey ee, cha vod eh scarrey r’ee ooilley laghyn e vea.

Hebrewnee 13:4

Ta poosey onnoroil ayns ooilley, as y lhiabbee gyn-loght: agh maarderee as adsyn ta brishey-poosey nee Jee briwnys.