2 Samuel 11:21 - Yn Vible Casherick 1775 1819

²¹ Quoi woaill Abimelech mac Jerubbesheth? nagh hilg ben peesh dy chlagh-wyllin er veih’n voalley, dy dooar eh baase ayns Thebez? cre’n-fa hie shiu cha faggys da’n voalley? Eisht abbyr uss, Ta dty harvaant Uriah yn Hittite marroo myr-chaagh.

2 Samuel 11:21 ပူးပေါင်းရင်းမြစ်များ

2 Samuel 11:17

As vrish deiney’n ard-valley magh, as ren ad caggey rish Joab: as huitt paart jeh deiney Ghavid; as hooar Uriah yn Hittite e vaase myr-chaagh.

2 Samuel 11:20

As my ennys oo dy vel jymmoose y ree troggal ayn, as dy jir eh rhyt, Cre’n-fa hayrn shiu cha faggys da’n ard-valley tra va shiu caggey? nagh row fys eu dy lhiggagh ad veih’n voalley?

2 Samuel 11:22

Myr shen hie’n chaghter, as hoilshee eh da David ooilley ny va Joab er choyrt roish.

2 Samuel 3:27

As tra va Abner er jeet back gys Hebron, ghow Joab eh dy lhiattee ’sy yiat, myr-yien dy loayrt rish dy sheeoil, as woaill eh eh ayns shen fo’n wheiggoo asney, dy dooar eh baase, er coontey fuill Asahel e vraar.

2 Samuel 3:34

Dty laueyn cha row kianlt, ny yiarnyn er dty chassyn: myr ta dooinney tuittym liorish deiney folley, shen myr ren uss tuittym. As cheayn ooilley’n pobble reesht harrish.

Psalmyn 39:8

As nish, Hiarn, cre ta my hreishteil? ta my hreishteil dy jarroo aynyd’s.

Isaiah 14:10

As nee ad ooilley loayrt as gra rhyt, Vel uss er jeet dy ve moal myr ta shinyn? vel oo er jeet dy ve casley rooin hene?

Briwnyn 6:32

Shen-y-fa er y laa shen denmys eh Gideon, Jerubbaal, gra, Lhig da Baal pleadeil n’oï-syn, as cooilleeney ’ghoaill ersyn lhieg e altar.

Briwnyn 7:1

Eisht ren Jerubbaal, (shen Gideon,) as ooilley’n pobble va mârish, girree dy moghey, as campal liorish chibbyr Harod: myr shen dy row sheshaght-caggee ny Midianiteyn my-hwoaie jeu, liorish cronk Moreh, ’sy choan.