2 Samuel 11:2 - Yn Vible Casherick 1775 1819

² As haink eh gy-kione er fastyr dy row, dy dirree David veih e lhiabbee, as huill eh er mullagh thie’n ree: as veih’n vullagh honnick eh ben faarkey ee-hene; as va’n ven feer aalin dy yeeaghyn urree.

2 Samuel 11:2 ပူးပေါင်းရင်းမြစ်များ

Genesis 12:11

As haink eh gy-kione, myr v’eh tayrn er-gerrey da Egypt, dy dooyrt eh rish Sarai e ven, Cur-my-ner nish, ta fys aym dy vel oo ben aalin dy yeeaghyn ort.

Genesis 3:6

As tra honnick y ven dy row yn billey mie son beaghey: as aalin gys y thooill; as billey dy ve er ny yeearree dy yannoo creeney: ghow ee jeh’n vess, as ren ee gee; as hug ee myrgeddin da e sheshey va mâree, as ren eshyn gee.

Genesis 34:2

As tra va Shechem mac Hamor yn Hivite, prince jeh’n cheer, er vakin ee, ghow eh ee, as lhie eh mâree, er-êgin.

Genesis 39:6

As daag eh ooilley ny v’echey fo laue Yoseph; as cha row kiarail erbee er son nhee erbee dy row echey, er-lhimmey jeh’n arran v’eh dy ee: as va Joseph ny phersoon stoamey, as feer aalin.

Genesis 6:2

Dy vaik mec Yee inneenyn gheiney dy row ad aalin; as ghow ad mraane jeu, lurg nyn yeearree.

2 Samuel 13:1

As haink eh gy-kione lurg shoh, dy row ec Absalom mac Ghavid shuyr feer aalin, va’n ennym eck Tamar; as va Amnon mac Ghavid ayns graih r’ee.

2 Samuel 14:27

As da Absalom va ruggit three mec, as un inneen, va’n ennym eck Tamar; ben jeh eddin aalin.

2 Samuel 4:5

As hie Rechab as Baanah, mec Rimmon yn Beerothite, as haink ad mysh chiass y laa gys thie Ish-bosheth, va ny lhie er lhiabbee ec y vun-laa.

2 Samuel 4:7

Son tra haink ad stiagh ’sy thie, v’eh ny lhie er e lhiabbee ayns e hiamyr: as woaill ad as varr ad eh, as yiare ad yn kione jeh, as hug ad lhieu eh, as chossyn ad ersooyl raad yn aasagh fud-ny-hoie.

Lioar Yob 31:1

Ren mee conaant rish my hooillyn; cre’n-fa eisht smooinin er moidyn?

Psalmyn 119:37

O chyndaa ersooyl my hooillyn, nagh der ad geill da fardail: as jean mish y vioghey ayns dty raad.

Raaghyn Creeney 19:15

Ta litcheraght dy hilgey fer ayns cadley trome, as nee’n annym liastey surranse gortey.

Raaghyn Creeney 31:30

Cha vel stoamid agh son shallid, as aalid te fardail: agh ben ta goaill aggle roish y Chiarn, yiow ee shen moylley.

Raaghyn Creeney 6:25

Ny lhig da dty chree ve soit er yn aalid eck, as ny lhig j’ee oo y chleayney lesh ferrooghyn e sooill.

Raaghyn Creeney 7:8

Goll trooid y traïd, er-gerrey da’n corneil eck, as hie eh raad e thie.

Jeremiah 19:13

As bee thieyn Yerusalem, as thieyn reeaghyn Yudah, feohdoil myr yn ynnyd Tophet, kyndagh rish ooilley ny thieyn er y vullagh oc t’ad er lostey oural-incense da slane armee yn aer, as er gheayrtey magh chebballyn-feeyney da jeeghyn joarree.

Noo Mian 10:27

Shen ta mish dy insh diu ayns folliaght, fockle-jee shiuish magh eh dy foshlit: as shen ta shiu er chlashtyn myr hannish voym’s, jean-jee y phreacheil er mullagh ny dhieyn.

Noo Mian 24:17

Eshyn t’er mullagh y thie, ny lhig da cheet neose dy ghoaill mârish nhee erbee ass e hie:

Noo Mian 5:28

Agh ta mish gra riu, Quoi-erbee ta jeeaghyn er ben, dy chur saynt j’ee, dy vel eh er vrishey poosey r’ee hannah ayns e chree.

Jannoo 10:9

Laa-ny-vairagh myr v’ad goll er nyn yurnah, as tayrn er-gerrey da’n ard-valley, hie Peddyr seose ’syn ard-shamyr gys padjer, mysh y cheyoo oor.

Deuteronomy 22:8

Tra t’ou troggal thie noa, eisht nee oo voalley rish oirr mooie y chione, nagh dayrn oo fuill er dty hie, my nee dooinney erbee tuittym jeh.

Deuteronomy 5:21

Chamoo nee oo geearree ben dty naboo, chamoo ver oo saynt da thie dty naboo, ny da e vagher, ny da e er-mooinjerey, ny da e inney-veyl, e ghow, ny e assyl, ny da nhee erbee ta lesh dty naboo.

1 Peddyr 4:7

Agh ta jerrey dy chooilley nhee er-gerrey: bee-jee er-y-fa shen sheelt, as watch-jee gys padjer.

1 Ean 2:16

Son ooilley ny ta ’sy theihll, saynt ny foalley, as saynt ny sooilley, as moyrn y vea, cha vel ad jeh’n Ayr, agh jeh’n seihll.

1 Samuel 9:25

As tra v’ad er jeet neose veih’n ard-ynnyd gys yn ard-valley, va glare eddyr Samuel as Saul ayns ard-shamyr y thie.