2 Samuel 11:16 - Yn Vible Casherick 1775 1819

¹⁶ As haink eh gy-kione, myr va Joab goaill baght jeh’n ard-valley, dy doardee eh Uriah gys boayl raad va fys echey dy row deiney dunnal soit n’oï.

2 Samuel 11:16 ပူးပေါင်းရင်းမြစ်များ

2 Samuel 11:15

As hug eh ayns y screeuyn, gra, Soie-jee Uriah ayns eer toshiaght ny rankyn, raad s’dewilley ta’n caggey, as tayrn-jee veih, dy vod eh tuittym, as geddyn baase.

2 Samuel 11:17

As vrish deiney’n ard-valley magh, as ren ad caggey rish Joab: as huitt paart jeh deiney Ghavid; as hooar Uriah yn Hittite e vaase myr-chaagh.

2 Samuel 11:21

Quoi woaill Abimelech mac Jerubbesheth? nagh hilg ben peesh dy chlagh-wyllin er veih’n voalley, dy dooar eh baase ayns Thebez? cre’n-fa hie shiu cha faggys da’n voalley? Eisht abbyr uss, Ta dty harvaant Uriah yn Hittite marroo myr-chaagh.

2 Samuel 3:27

As tra va Abner er jeet back gys Hebron, ghow Joab eh dy lhiattee ’sy yiat, myr-yien dy loayrt rish dy sheeoil, as woaill eh eh ayns shen fo’n wheiggoo asney, dy dooar eh baase, er coontey fuill Asahel e vraar.

1 Reeaghyn 2:5

Marish shen, ta fys ayd myrgeddin cre ren Joab mac Zeruiah rhym’s, as cre ren eh rish y daa chaptan sheshaght-caggee Israel, rish Abner mac Ner, as rish Amasa mac Jether ren eh y varroo, as gheayrt eh fuill y chaggey ayns shee, as hug eh fuill y chaggey er e chryss va mysh e veeghyn, as ayns e vraagyn v’er e chassyn.

2 Reeaghyn 10:6

Eisht hug eh screeuyn huc yn nah cheayrt, gra, My ta shiu er y cheu aym’s, as my nee shiu geaishtagh rish my choraa, gow-jee king ny deiney mec nyn mainshtyr, as tar-jee hym’s gys Jezreel mysh y traa shoh mairagh. (Nish va mec y ree three-feed persoon as jeih; as v’ad marish ard-gheiney’n ard-valley, va dy hroggal ad)

Raaghyn Creeney 29:12

My ta fer-reill cur cleaysh da breagyn, bee ooilley e harvaantyn olk.

Hosea 5:11

Ta Ephraim broojit as brisht ayns briwnys: er-yn-oyr dy jimmee ad dy arryltagh lurg drogh choyrle.

Jannoo 5:29

Eisht dansoor Peddyr as ny ostyllyn elley, gra, S’cair dooin ve ny s’biallee da Jee na da deiney.