2 Samuel 11:11 - Yn Vible Casherick 1775 1819

¹¹ As dooyrt Uriah rish David, Ta’n arg, as Israel, as Judah fo cabbaneyn, as ta my hiarn Joab, as sharvaantyn my hiarn, nyn lhie ayns camp fud y vagheragh: jem’s eisht gys my hie dy ee as dy iu, as dy yannoo sheshaght rish my ven? myr t’ou uss bio, as myr ta dt’annym bio, cha jean-ym lheid y red.

2 Samuel 11:11 ပူးပေါင်းရင်းမြစ်များ

2 Samuel 11:10

As tra ve inshit da David, gra, Cha jagh Uriah sheese gys e hie, dooyrt David rish Uriah, Nagh vel oo er jeet veih jurnah? cre’n-fa eisht nagh jagh oo sheese gys dty hie?

2 Samuel 14:19

As dooyrt y ree, Nagh vel laue Yoab mayrt ayns ooilley shoh? As dreggyr y ven, as dooyrt ee, Myr ta dt’annym bio, my hiarn, O ree, cha vod unnane erbee chyndaa gys y laue yesh ny gys y laue hoshtal veih nhee erbee dy vel my hiarn y ree er loayrt: son dty harvaant Joab hug orrym shoh ’yannoo, as eshyn hug ooilley ny goan shoh ayns beeal dty harvaant:

2 Samuel 20:6

As dooyrt David rish Abishai, Nish nee Sheba mac Bichri ny smoo dy aggair dooin na ren Absalom: gow uss sharvaantyn dty hiarn, as immee er e eiyrt’s, er-aggle dy vow eh stiagh ayns ard-valjyn voallit, as dy gossyn eh voïn.

2 Samuel 7:2

Dy dooyrt y ree rish Nathan y phadeyr, Cur-my-ner, ta mish nish baghey ayns thie cedar, agh ta arg Yee er ny reayll ayns cabbane fo curtanyn.

2 Samuel 7:6

Fakin nagh vel mish er chummal ayns thie erbee, er-dyn traa hug mee lhiam seose cloan Israel ass Egypt, derrey’n eer laa t’ayn jiu, agh er n’immeeaght ayns cabbane-agglish va scughey veih boayl dy boayl?

Earrooyn 32:6

As dooyrt Moses rish cloan Ghad, as rish cloan Reuben, Jed ny braaraghyn eu gys y chaggey, as shiuish dy ve ayns shoh nyn daaue?

Noo Ean 13:14

My ta mish eisht yn Chiarn as y Mainshter eu er niee nyn gassyn, lhisagh shiuish myrgeddin yn derrey yeh eu cassyn y jeh elley y niee.

2 Timothy 2:12

My ta shin surranse, nee mayd myrgeddin reill mârish: my ta shin dy obbal eh, nee eshyn myrgeddin shinyn y obbal.

1 Samuel 1:26

As dooyrt ee, Oh my hiarn; myr ta dty annym bio, my hiarn, she mish y ven hass liort’s ayns shoh, goaill padjer gys y Chiarn.

1 Samuel 14:18

As dooyrt Saul rish Ahiah, Cur lhiat gys shoh arg Yee: (son va arg Yee ec y traa shen marish cloan Israel.)

1 Samuel 17:55

As tra honnick Saul David goll magh noi yn Philistine, dooyrt eh rish Abner captan e heshaght-chaggee, Abner, quoi dy mac y dooinney aeg shoh? As dooyrt Abner, Myr ta dt’annym bio, O ree, cha nione dou.

1 Samuel 20:3

As loo David ny-sodjey, as dooyrt eh, Ta fys ec dty ayr son firrinys dy vel mee er gheddyn foayr ayns dty hilley; as t’eh gra, Cha nhegin fys v’ec Jonathan er shoh, er-aggle dy bee eh trimshey da: agh cha firrinagh as ta’n Chiarn bio, cha vel agh kesmad eddyr mish as y vaase.

1 Samuel 25:26

Nish er-y-fa shen, my hiarn, myr ta’n Chiarn bio, as myr ta dty annym bio, fakin dy vel y Chiarn er dty lhiettal veih cheet dy gheayrtey fuill, as veih cooilleeney ’ghoaill lesh dty laue hene, nish lhig da dty noidyn, as adsyn ta shirrey olk y yannoo da my hiarn, ve myr Nabal.

1 Samuel 4:4

Er shoh hug yn pobble fys gys Shiloh, dy choyrt lhieu veih shen arg conaant y Chiarn dy heshaght-flaunyss, ta cummal eddyr ny cherubim: as va daa vac Eli, Hophni as Phinehas, ayns shen marish arg conaant Yee.