2 Samuel 11:1 - Yn Vible Casherick 1775 1819

¹ As haink eh gy-kione ec toshiaght ny bleeaney, yn imbagh ta reeaghyn cliaghtey dy gholl magh dy chaggey, dy dug David magh Joab as e gheiney mârish, as ooilley deiney reiht Israel; as stroie ad cloan Ammon, as chruinnee ad stiagh Rabbah. Agh duirree David ec Jerusalem.

2 Samuel 11:1 ပူးပေါင်းရင်းမြစ်များ

2 Samuel 10:14

As tra honnick cloan Ammon dy row ny Syrianee er choyrt cooyl, eisht ren adsyn myrgeddin chea roish Abishai, as chossyn ad stiagh ’syn ard-valley. Er shoh hyndaa Joab veih cloan Ammon, as haink eh gys Jerusalem.

1 Reeaghyn 20:22

As haink y phadeyr gys ree Israel, as dooyrt eh rish, Immee as niartee oo-hene, as bee er dty arrey, as jeeagh cre t’ou dy yannoo: son ec imbagh ny bleeaney hig ree Syria seose dt’oï.

1 Reeaghyn 20:26

As haink eh gy-kione, ec imbagh ny bleeaney, dy ren Ben-hadad musteral ny Syrianee, as hie eh seose gys Aphek, dy chaggey noi Israel.

1 Recortyssyn 20:1

As haink eh gy-kione, ec toshiaght ny bleeaney, mysh y traa ta reeaghyn cliaghtey dy gholl magh gys caggey, dy ren Joab leeideil magh ny reih deiney caggee, as ren eh spooilley cheer cloan Ammon, as haink eh, as ren eh soiaghey er Rabbah (agh duirree David ec Jerusalem) as woaill Joab Rabbah, as stroie eh eh.

2 Recortyssyn 36:10

As ec kione ny bleeaney, hug ree Nebuchadnezzar fys, as hug eh lesh eh gys Babylon, marish siyn aalin thie’n Chiarn, as ren eh Zedekiah e vraar ny ree harrish Judah as Jerusalem.

Psalmyn 60:9

Quoi nee m’y leeideil ayns yn ard-valley lajer: quoi ver lesh mee stiagh gys Edom?

Ecclesiastes 3:8

Traa dy chur graih, as traa dy chur dwoaie: traa dy chaggey, as traa dy hee.

Jeremiah 49:2

Shen-y-fa, cur-my-ner, ta ny laghyn cheet, ta’n Chiarn gra, dy der-yms er larm-caggee dy ve ry-chlashtyn ayns Rabbah ny Ammoniteyn; as bee eh ny charnane traartagh, as bee ny inneenyn ecksh losht lesh aile: eisht bee Israel ny eirey dauesyn, va ny eiraghyn echeysyn, ta’n Chiarn dy ghra.

Jeremiah 49:3

Trog yllaghey treih, O Heshbon; son ta Ai currit naardey: yllee-jee, inneenyn Rabbah; cur-jee erriu aanrit-sack; jean-jee dobberan, as roie-jee noon as noal rish ny cleiyee: son hed nyn ree gys cappeeys, as e haggyrtyn as e phrinceyn cooidjagh.

Ezekiel 21:20

Jean magh raad, dy vod y cliwe cheet gys Rabbath jeh ny Ammoniteyn, as gys Judah t’ayns Jerusalem yn ard-valley voallit.

Amos 1:14

As neem’s foaddey aile er voalley Rabbah, as nee eh stroie ny plaaseyn echey; lesh yllaghey er laa yn chaggey, lesh dorrin er laa yn gheay-chassee:

Zechariah 14:3

Eisht hed yn Chiarn magh, as nee eh caggey noi ny ashoonee shen, myr ren eh caggey ayns laa yn chah.

Deuteronomy 3:11

Son cha row agh Og ree Vashan er-mayrn jeh sluight ny foawir; cur-my-ner, va e sthoc-lhiabbagh, sthoc-lhiabbagh yiarn: nagh vel eh ayns Rabbath jeh cloan Ammon? va’n lhiurid echey nuy cubityn, as e lheead kiare cubityn, lurg cubit dooinney.

1 Samuel 18:30

Eisht hie princeyn ny Philistinee magh dy chaggey: as haink eh gy-kione, erreish daue v’er n’gholl magh, dy ren David gymmyrkey eh-hene ny s’dunnal na ooilley sharvaantyn Saul; myr shen dy row’n ennym echey dy mooar soit jeh.