2 Samuel 10:14 - Yn Vible Casherick 1775 1819

¹⁴ As tra honnick cloan Ammon dy row ny Syrianee er choyrt cooyl, eisht ren adsyn myrgeddin chea roish Abishai, as chossyn ad stiagh ’syn ard-valley. Er shoh hyndaa Joab veih cloan Ammon, as haink eh gys Jerusalem.

2 Samuel 10:14 ပူးပေါင်းရင်းမြစ်များ

2 Samuel 10:15

As tra honnick ny Syrianee dy row Israel er chosney orroo, v’ad er nyn jaglym cooidjagh.

2 Samuel 11:1

As haink eh gy-kione ec toshiaght ny bleeaney, yn imbagh ta reeaghyn cliaghtey dy gholl magh dy chaggey, dy dug David magh Joab as e gheiney mârish, as ooilley deiney reiht Israel; as stroie ad cloan Ammon, as chruinnee ad stiagh Rabbah. Agh duirree David ec Jerusalem.

2 Samuel 20:6

As dooyrt David rish Abishai, Nish nee Sheba mac Bichri ny smoo dy aggair dooin na ren Absalom: gow uss sharvaantyn dty hiarn, as immee er e eiyrt’s, er-aggle dy vow eh stiagh ayns ard-valjyn voallit, as dy gossyn eh voïn.

2 Samuel 22:38

Ta mee er n’eiyrt er my noidyn, as er stroie ad; chamoo hyndaa mee reesht derrey va mee er stroie ad.

2 Samuel 23:18

As va Abishai, braar Yoab, mac Zeruiah, yn ard-er mastey three; as hrog eh seose e shleiy noi three cheead, as varr eh ad, as va goo echey mastey’n three shoh.

2 Samuel 8:12

Veih Syria, as veih Moab, as veih cloan Ammon, as veih ny Philistinee, as veih Amalek, as veih spooilley Hadadezer mac Rehob, ree Zobah.

1 Recortyssyn 18:12

As ren Abishai mac Zeruiah stroie jeh ny Edomiteyn ayns coan y tollan hoght thousane jeig.