2 Samuel 1:23 - Yn Vible Casherick 1775 1819

²³ S’ghraihoil as s’aalin yn aigney-mie va eddyr Saul as Jonathan ayns nyn mioys, as ayns baase cha row ad er nyn scarrey: v’ad ny s’bieau na urlee, v’ad ny s’troshey na lionyn.

2 Samuel 1:23 ပူးပေါင်းရင်းမြစ်များ

2 Samuel 1:24

Shiuish inneenyn Israel, keayn-jee son Saul, ren nyn goamrey dy aalin lesh scarleod, marish toyrtyssyn elley; ren shiu y hoiaghey magh lesh jewellyn dy airh, er nyn goamrey.

2 Samuel 2:18

As va three jeh mec Zeruiah ayns shen, Joab, as Abishai, as Asahel: as va Asahel coshee cha skibbylt as feeaïh ’sy vagher.

2 Samuel 23:20

As Benaiah, mac Jehoiada, mac dy ghooinney dunnal, jeh Kabzeel, va eh-hene dy mennick er phrowal e ghunnallys, varr eh daa Voabite, deiney myr lionyn: hie eh sheese myrgeddin, as varr eh lion ayns ooig, ayns earish sniaghtee.

1 Recortyssyn 12:8

As jeh ny Gaditeyn haink stiagh gys David gys y charrick ’syn aasagh, deiney niartal, as reih deiney caggee, aghtal dy loaghtey shleiy as scape; ny eddinyn oc va goll-rish eddinyn lionyn, as gastey myr feeaih er ny sleityn:

Lioar Yob 9:26

T’ad er n’gholl shaghey dy bieau myr ny lhongyn; myr yn urley ta ayns siyr son y spooilley.

Raaghyn Creeney 30:30

Yn lion s’troshey ta mastey beïyn, as nagh vel chyndaa dy lhiattee son nhee erbee:

Arrane Solomon 5:16

Ta e veeal miljid hene: dy feer t’eh ooilley-cooidjagh aalin. She shoh my ghraih, as lheid shoh my charrey, O inneenyn Yerusalem.

Jeremiah 4:13

Cur-my-ner, hig eh seose myr bodjallyn, as e ainee myr geay-chassee: ta e chabbil ny s’bieau na urlee. Smerg dooinyn! son ta shin spooillit.

Dobberan 4:19

Ta ny tranlaasee ain ny s’bieau na urlee yn aer: deiyr ad shin er ny sleityn, lhie ad cooyl-chlea er nyn son ayns yn aasagh.

Deuteronomy 28:49

Ver y Chiarn lesh ashoon dt’oï veih foddey, veih ardjyn sodjey magh y theihll, cha bieau as ta’n urley getlagh, ashoon, nagh doig oo yn ghlare oc:

Briwnyn 14:18

As dooyrt deiney yn ard-valley rish er yn chiaghtoo laa, my lhie yn ghrian, Cre ta ny s’miljey na’n mill? as cre ta ny s’troshey na’n lion? As dooyrt eh roo, Er-be dy ren shiuish traaue lesh my cholbagh, cha row shiu er gheddyn magh my raa-dorraghey.

1 Samuel 18:1

As haink eh gy-kione tra v’eh erreish loayrt rish Saul, dy row annym Yonathan as annym Ghavid sniemmit dy cheilley, as bynney lesh Jonathan eh myr yn annym echey hene.

1 Samuel 20:2

As dooyrt eh rish, Ny lhig eh Jee: cha bee uss er ny choyrt gy-baase: cur-my-ner, cha jean m’ayr nhee erbee y yannoo, lhig da ve mooar ny beg, nagh n’insh eh dooys: as cre’n-fa yinnagh m’ayr yn red shoh y cheiltyn voym? cha vel eh myr shen.