2 Samuel 1:20 - Yn Vible Casherick 1775 1819

²⁰ Ny insh-jee shoh ayns Gath, ny lhig da ve focklit magh ayns straidyn Askelon; er-aggle dy gow inneenyn ny Philistinee boggey, as dy jean inneenyn ny chymmyltee boggyssagh.

2 Samuel 1:20 ပူးပေါင်းရင်းမြစ်များ

Ezekiel 16:27

Cur-my-ner, er-y-fa shen ta mee er heeyney magh my laue harryd, as er leodaghey dty veaghey gagh-laa, as er dty livrey gys aigney dty noidyn, gys inneenyn ny Philistinee, ta goaill nearey jeh dty aghtyn rouanagh.

Ezekiel 16:57

Roish my daink briaght er dty ghrogh-yannoo, myr eck earish dty oltooan veih inneenyn Syria, as ooilley e naboonyn, inneenyn ny Philistinee, ta soiaghey beg jeed ooilley mygeayrt.

Micah 1:10

Ny insh-jee shoh ec Gath, ny jean-jee keayney edyr: ayns thie Aphrah jean oo hene y ymmylt ’sy joan.

Briwnyn 11:34

As haink Jephthah gys e hie ec Mizpeh, as cur-my-ner, haink yn inneen echey magh ny whail, lesh greïnyn-kiaullee as daunsin; as v’ee e ynrycan lhiannoo, cha row cloan arragh echey.

Briwnyn 14:19

As haink Spyrryd y Chiarn er, as hie eh sheese gys Ashkelon, as varr eh jeih deiney as feed jeu, as ghow eh yn spooilley oc, as hug eh caghlaaghyn garmad dauesyn hooar magh yn raa-dorraghey: as va farg er, as hie eh seose gys thie e ayrey.

1 Samuel 14:6

As dooyrt Jonathan rish y dooinney aeg e armyder, Tar, as lhig dooin goll harrish gys garrison ny chymmyltee shoh: foddee eh ve dy jean y Chiarn gobbraghey er nyn son: son te’n un chooid da’n Chiarn dy hauail liorish mooarane ny liorish beggan.

1 Samuel 17:26

As loayr David rish ny deiney hass liorish, gra, Cre vees jeant son y dooinney varrys yn Philistine shoh, as scughys yn scammylt shoh veih Israel? son quoi’n Philistine chymmyltagh shoh, dy goghe eh er dy choyrt y-lane fo armeeyn y Jee bio.

1 Samuel 17:36

Varr dty harvaant chammah yn lion, as y vuc-awin; as bee’n Philistine chymmyltagh shoh myr unnane jeusyn, fakin dy vel eh er choyrt y-lane fo armeeyn y Jee bio.

1 Samuel 18:6

As shoh myr ve, tra haink ad back, lurg da David ve er varroo yn Philistine, dy daink ny mraane ass ooilley ard-valjyn Israel, goaill arraneyn, as daunsin, dy veeiteil ree Saul, lesh tabretyn, lesh gennallys, as lesh greïnyn-kiaullee.

1 Samuel 31:4

Eisht dooyrt Saul rish e armyder, Tayrn dty chliwe, as roie mee trooid lesh; er-aggle dy jig ny chymmyltee shoh dy roie mee trooid, as boggyssagh harrym. Agh cha jinnagh e armyder laue er, son va rouyr aggle er: shen-y-fa ghow Saul cliwe, as huitt eh er.

1 Samuel 6:17

As shoh ny pileyn airhey heb ny Philistinee son oural-loght gys y Chiarn; son Ashdod unnane, son Gaza unnane, son Ekron unnane: